Viral Video : साऊथचे सिनेमे आणि त्यातल्या उडत्या चालीच्या गाण्यांची क्रेझ कायमच सगळ्यांचे पाय थिरकवते. सध्या पुष्पा सिनेमातल्या 'मै झुकेगा नहीं साला...'चे वेड सगळ्यांनाच लागलं आहे. अगदी गणेशोत्सवातल्या गणपती बाप्पालाही पुष्पाच्या रूपात बघायला मिळालं. असंच वेड त्यातल्या 'सामी सामी...' गाण्याने लावलं आहे.

कालपासून सामी सामी गाण्यावरचा चिमुकल्यांचा व्हिडीओ व्हायरल होत आहे. यात शाळकरी मुलं या गाण्यावर भन्नाट डांस करताना दिसत आहेत. यात एक छोटीशी क्युट मुलगी “सामी सामी” गाण्यावर नाचतीये. हा व्हिडीओ व्हायरल होत होत रश्मिका मंदाना पर्यंत जाऊन पोहचला. रश्मिका मंदानाने या मुलीला भेटण्याची इच्छा व्यक्त केली. तिने तिच्या ट्विटर हॅन्डलवर ही पोस्ट शेअर केलीये.

हा व्हिडिओ ३१ सेकंदाचा आहे. बहुतेक ही एखादी शाळा असावी. ‘सामी-सामी’ हे गाणं मोठ्या आवाजात वाजताना ऐकू येतं. बाकीची मुलं उड्या मारताना नाचताना दिसतायत.

कॅमेऱ्यासमोरची एक मुलगी रश्मिका मंदानाच्या स्टेप्स इतक्या सुंदरपणे फॉलो करते की बघणारे तिच्याकडे टक लावून बघत राहतात. हा व्हिडीओ तुम्हालाही पुन्हा पुन्हा नक्की बघायला आवडेल. या छोटुश्या मुलीचे हावभाव खूप क्यूट असतात. हा व्हिडिओ कधी आणि कुठे चित्रित करण्यात आला हे समजू शकलेले नाही.

अभिनेत्री रश्मिका मंदानाने काल या चिमुकलीचा डान्स व्हिडिओ शेअर करत लिहिले- “मेड माय डे… मला ह्या क्यूटीला भेटायचे आहे… मी तिला कुठे भेटू शकते?”

या व्हायरल क्लिपला जवळपास १८ लाख व्ह्यूज आणि ९२ हजारहून अधिक लाईक्स मिळाले आहेत. तसेच अनेक ट्विटर युझर्सनी यावर प्रतिक्रिया देत लिहिले की, “या मुलीनेही आमचा दिवस छान बनवला आहे.” काही युझर्सनी मुलीचा डान्स परफेक्ट आणि क्यूट असल्याचं सांगितलं आहे.