जळगाव : भारतीय जनता पक्षातर्फे पहिली यादी जाहीर करण्यात आली आहे. त्यात जिल्ह्यातील भाजपच्या वाट्याच्या सर्व मतदार संघातील नावे जाहिर करण्यात आली आहे. त्यात मुक्ताईनगर मतदार संघाचे नाव मात्र वगळण्यात आल्याने आश्चर्य व्यक्त करण्यात येत आहे. दरम्यान खडसे यांनी आज मुक्ताईनगर मतदार संघातून उमेदवारी अर्ज दाखल केला आहे.
भारतीय जनता पक्षातर्फे आज राज्यातील 125 मतदार संघातील उमेदवारांची यादी जाहिर करण्यात आली आहे. त्यात जळगाव जिल्ह्यात पक्षाकडे असलेल्या सात जागा पैकी सहा जागांचे उमेदवार जाहिर करण्यात आले आहेत. त्यात फक्त मुक्ताईनगर मतदार संघातील उमेदवार जाहिर करण्यात आले नाही. त्यामुळे आश्चर्य व्यक्त करण्यात येत आहे.
एकनाथराव खडसे यांनी मात्र आज मुक्ताईनगर मतदार संघातून उमेदवारी अर्ज दाखल केला आहे. यावेळी त्यांच्या समवेत मोठ्या संख्येने कार्यकर्ते उपस्थित होते. पहिली यादी जाहीर झाली आहे, त्यात माझं नाव आहे की नाही मला माहित नाही. मात्र, मी अर्ज भरलेला आहे तो भरलेला राहील असे एकनाथ खडसे यांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.