नाशिक : वणी येथील सप्तश्रृंगी आदिमायेच्या दर्शनासाठी मंदीरात जाणाऱ्या 'त्या' भाविक महिलेला कळालेही नाही, की गळ्यातील मंगळसुत्र पडल्याचे... मात्र सप्तशृंगी गडावरील फनिक्युलर ट्रॉली रोपवे कर्मचाऱ्याने सापडलेले सोन्याचे मनीमंगळ सुत्र महिला भाविकाचा शोध घेवून प्रामाणिकपणे परत केले आहे.

अशी घडली घटना...
सप्तश्रृंगी गडावरील रोपवेचे कर्मचारी महेंद्र उर्फ बाळा काशिनाथ झोटिंग मंदीराजवळी अपर स्टेशनवर शनिवारी (ता.२४) दुपारी कार्यरत असतांना रोपवे ट्रॉलीतून उतरुन मंदीरात दर्शनासाठी जाणाऱ्या अज्ञात महिलेचे पायऱ्यांवर पडलेले मनीमंगळ सुत्र सापडले. यानंतर सदरची मनीमंगळ सुत्र कोणत्या महिलेचे पडले. हे बघण्यासाठी सीसीटीव्ही नियंत्रण कक्षात जावून सीसीटीव्हीवर फुटेज तपासले. यावेळी एक महिला घाई गर्दीत पायऱ्या चढतांना तिच्या गळ्यातील मंगळसुत्र पडतांना दिसले. दरम्यान ती महिला व सोबत असलेले पती दर्शन घेवून खाली उतरण्यासाठी अपर स्टेशनवर आले असता, महेंद्र झोटिंग, ट्रॉली ऑपरेटर पाटील व सुरक्षारक्षक पवार यांनी कोणाचे मंगळसुत्र हरवले आहे का, याबाबत विचारणा केली यावेळी सोनल निभोरे,(रा. पुणे) या महिलेने आपला गळा तपासला असता त्यांना गळ्यात मंगळसुत्र नसल्याचे कळाले व माझेच मंगळसुत्र हरविल्याचे सांगितल्यानंतर तसेच सीसीटीव्ही फुटेज मध्ये त्याच महिलेचे छायाचित्रण दिसल्याने महेंद्र झोटिंग यांनी भाविकांची शहानिशा करीत सापडलेले सुुमारे ७० हजार किमंतीचे सोन्याचे मंगळसुत्र प्रामाणिकपणे परत केले.

हेही वाचा > धरणावर फिरायला आलेले पर्यटक गाडीपाशी गेले..अन् गाडीत पाहिल्यावर धक्काच...कारण..

प्रामाणिकतेबद्दल कौतुक

यावेळी सदर महिलेच्या पतीने बक्षीस म्हणून काही रक्कम देवू केली, मात्र महेंद्र झोंटिग यांनी लालच न ठेवता, उलट आपले दाग दागिने गर्दीच्या ठिकाणी सांभाळण्याबाबत सुनावले. दरम्यान महेंद्र झोटिंग यांच्या प्रामाणिकतेबद्दल रोपवेचे प्रकल्प व्यवस्थापक राजीव लुंबा, कार्यालयीन व्यवस्थापक सोपान कोनमंडले आदीसंह अन्य अधिकारी कर्मचाऱ्यांनी कौतुक केले आहे.

हेही वाचा > शिक्षकाच्या खोलीतून वाफा बाहेर येत होत्या... त्यांनी खिडकीचा कप्पा उघडून पाहिला तर धक्काच!

हेही वाचा > पक्षातून फुटलेल्यांना पदे...अन् आम्हाला फक्त शिस्तीचे धडे काय?