जळगाव ः जिल्ह्यात कोरोनाबाधित रुग्णांच्या संख्येत वेगाने वाढ होत आहे. त्यात 21 जण जिल्हा रुग्णालयातून रविवारी कोरोनातून मुक्त होवून घरी गेल्याचा दिलासा देणारी बाब आहे. परंतू जिल्हा रुग्णालयात कोरोनाबाधीत रुग्णाचा मृत्यू झाल्यानंतर त्या व्यक्तीच्या मृतदेहाची विल्हेवाट लावणारे वैद्यकीय अधिकारी, कर्मचारी मृतदेहावर अंत्यसंस्कार केल्यानंतर त्यांच्या अंगावरील पीपीई किटची शास्त्रोक्त पद्धतीने विल्हेवाट न लावता ते स्मशानभूमीतच उघड्यावर फेकून देत असल्याची धक्कादायक घटना आज समोर आली आहे.
जिल्ह्यात कोरोनाबाधितांची संख्या 175 वर..
गेल्या पंधरा दिवसात जळगाव जिल्ह्यात कोरोना बाधित रुग्णांच्या संख्येत वेगाने वाढ झाली असून आतापर्यंत 175 आकडेवारी झाली असून जिल्ह्या द्विशतकाकडे वाटचाल सुरू आहे. यात जळगाव शहरासह जिल्ह्यातील अमळनेर, भुसावळ, पाचोरा आणि चोपडा, अडावद येथे सातत्याने कोरोना बाधित रुग्ण आढळत आहेत.
मृत्यूची संख्या 22
कोरोनाचा संसर्ग वेगाने पसरत असताना कोरोनाचा मृत्यूदर देखील अधिक आहे. जळगाव जिल्हा रुग्णालयात एका दिवसाआड कोरोनाचा बळी जात आहे. आतापर्यंत 22 कोरोनाबाधित रुग्णांचा मृत्यू झाला आहे. मृत कोरोना बाधित रुग्णांचा मृतदेहाची शासकीय निर्देशानुसार विल्हेवाट लावली जाते. त्यासाठी आरोग्य विभागाचे वैद्यकीय अधिकारी, 2 ते 3 कर्मचारी, महसूल आणि पोलीस प्रशासनाचे अधिकारी यांच्यासह मोजके नातेवाईक यांच्या उपस्थितीत संबंधित मृत व्यक्तीवर अंत्यसंस्कार होतात.
पीपीई किट शास्त्रोक्त पद्धतीने नष्ट करणे आवश्यक ?
कोरोना बाधीत मृतदेह हाताळणारे वैद्यकीय अधिकारी, कर्मचारी तसेच रुग्णवाहिका चालकांना पीपीई किट परिधान करणे बंधनकारक आहे. मृतदेहाची विल्हेवाट लावल्यानंतर मृतदेहाच्या अंगावरील पीपीई किटची शास्त्रोक्त पद्धतीने विल्हेवाट लावणे नियमानुसार जाळून टाकणे अथवा खड्डा खोदून त्यात पुरणे बंधनकारक आहे.
आज समोर आला धक्कादायक प्रकार
जळगावातील नेरीनाका परिसरात असलेल्या स्मशानभूमीत दररोज अनेक मृतदेहांवर अंत्यसंस्कार होतात. यासाठी शेकडो नागरिक याठिकाणी येत असतात. तसेच कोरोनाबाधीत रुग्णांचा देखील येथे अंत्यसंस्कार केला जोतो. याबाबत आज कोरोनाग्रस्त रुग्णावरील पीपीई किट काही नागरिकांना स्मशानभुमीत उघड्यावर पडल्याचे दिसून आल्यानंतर हा धक्कादायक प्रकार समोर आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.