जळगाव ः शहरातील समतानगर परिसरात आज दुपारी एक महिला कोरोना "पॉझिटिव्ह' आढळून आल्यानंतर एकच खळबळ या परिसरात उडाली. महापौर भारती सोनवणे यांनी तत्काळ त्या ठिकाणी भेट देऊन नागरिकांना घरात राहण्याचे आवाहन केले. तसेच संबंधित महिलेच्या संपर्कातील लोकांना क्वारंटाइन करून परिसर सील करून सूचना त्यांनी दिल्या.
समतानगर परिसरात राहणारी एक महिला कोरोना पॉझिटिव्ह आढळून आल्यानंतर मनपाची आरोग्य यंत्रणा लागलीच कामाला लागली. महापौर भारती सोनवणे देखील त्याठिकाणी पोचल्या. यावेळी नगरसेवक कैलास सोनवणे, नगरसेवक नितीन बरडे, ज्योती चव्हाण, प्रशांत नाईक, डॉ. राम रावलानी, डॉ. विजय घोलप, डॉ. संजय पाटील यांच्यासह मलेरिया आणि आरोग्य विभागाचे कर्मचारी उपस्थित होते.
परिसरात केले सॅनिटायझेशन
कोरोना पॉझिटिव्ह रुग्ण आढळताच नगरसेवक नितीन बरडे यांनी तत्काळ मनपाच्या यंत्रणेला बोलावून सॅनिटायझेशन प्रक्रिया राबवून घेतली. संपूर्ण परिसरात स्प्रिंकलर मशिन आणि हॅण्डपंपाद्वारे सॅनिटायझेशन प्रक्रिया राबवून परिसर निर्जंतुक करून घेतला. महापौर भारती सोनवणे यांनी सॅनिटायझेशन प्रक्रियेचा आढावा घेतला. दरम्यान, कोरोना पॉझिटिव्ह आढळून आलेली महिला राहत असलेल्या घराच्या आजूबाजूचा परिसर सील करण्यासाठी महापौरांनी पोलिसांना पाचारण केले.
चौदा जण क्वारंटाइन
समतानगरातील महिला "पॉझिटिव्ह' आल्याने महापालिका प्रशासन खळबळून जागे झाले. महापालिकेचे दवाखाना विभागाचे पथक तत्काळ पोचले व संबंधित कोरोनाग्रस्त महिला कोणाच्या संपर्कात आली, त्यांना शोधून क्वारंटाइन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.