जळगावः येथील टॉवर चौकातील खादी ग्रामोद्योगाची जागा आज अखेर सरकार जमा करण्यात आली. ही जागा सामाजिक सेवेसाठी दिली होती.
मात्र या जागेचा वापर व्यवसायासाठी केला जात होता. जिल्हाधिकारी डॉ. अविनाश ढाकणे यांच्या आदेशान्वये आज सकाळी अकराला सुरू झालेली जागा जमा करण्याची कारवाई दुपारी अडीचला पूर्ण झाली. यावेळी पोलिस बंदोबस्त लावण्यात आला होता.
माहिती अधिकारी कार्यकर्ते दीपककुमार गुप्ता यांनी खादी ग्रामोद्योगाच्या जागेबाबत माहितीच्या अधिकाराद्वारे माहिती मागितली होती. त्यात जिल्हा प्रशासनाकडून 1600 चौरस फूट एवढी जागा 1964-65 मध्ये जिल्हा सर्व सेवा समितीचे अध्यक्ष लखीचंद झंवर यांना देण्यात आली होती. संस्थेने काही वर्ष खादी ग्रामोद्योगचे कपडे, गांधी विचारांचे पुस्तके, साहित्य विक्री करण्याचे दुकान सुरू केले. मात्र नंतर जागा व्यावसायिकांना भाड्याने देण्यात येत होती.
क्लिक कराः नेहेते परिवाराने जोपासला दधींचीचा वारसा
त्याबाबत श्री. गुप्ता यांनी अपील दाखल केल्याने जिल्हाधिकारी खादी ग्रामोद्योगाची जागा शासनाकडे जमा करण्याचे आदेश तहसीलदार वैशाली हिंगे यांना दिले. त्यांनी मंडलाधिकारी योगेश नन्नवरे, शहर तलाठी रमेश वंजारी, नगरभूमापक जे. यु. कदम, कोतवाल सुकदेव तायडे यांनी पोलिस बंदोबस्तात जागा जमा करण्याची कार्यवाही केली.
दुकाने झाली बंद
खादीग्रामोद्यागाच्या जागेत दुमजली बांधकाम आहे. त्यात जे. पी. व्हेंचर-कोल्हापूर मशिनरी, नारायण हरिराम जोशी यांना हॉटेलसाठी (हॉटेल पकवान) आदी व्यावसायिकांना भाड्याने दिली होती. ही सर्व दुकाने आता बंद झाली आहेत. आजच्या कारवाईत पाच दुकाने सील करण्यात आली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.