मेहुणबारे (ता.चाळीसगाव) ः शिरुड (जि धुळे) येथे करोना पॉझिटिव्ह रुग्ण आढळला आहे. त्याच्या संपर्कात आल्याच्या संशयावरून,मेहुणबारे (ता.चाळीसगाव) येथील तीन जण चाळीसगाव शहरातील नऊ असे बारा जणांना आज पोलिसांनी खबरदारीसाठी ताब्यात घेतले, त्यांना पुढील तपासणीसाठी तातडीने जळगाव येथे रवाना करण्यात येणार असल्याची माहिती डॉ.बी.पी. बाविस्कर यांनी दिली असुन यामुळे मेहुणबारेसह तालुक्‍यात एकच खळबळ उडाली आहे.
धुळे जिल्ह्यातील शिरूड येथे एक करोना पॉझिटिव्ह रूग्ण आढळल्याने,त्यांच्या शेजारी राहणारा व्यक्तीची सासरवाडी चाळीसगाव येथील आहे, त्या दोघांची मैत्री असल्याने हे दोघे एकाच गाडीत ये-जा करीत होते. दरम्यान चाळीसगाव येथे माहेर असलेल्या मित्राची पत्नी गरोदर असल्याने ती नुकतीच चाळीसगाव येथे आली.
याची माहिती चाळीसगाव तहसीलदारांना, धुळे येथील तहसीलदारांनी दिली. त्यामुळे चाळीसगाव येथे माहेर असलेल्या त्याच्या पत्नीच्या संपर्कातील परिवारातील चाळीसगाव येथील सदस्य तसेच मेहुणबारे येथील सदस्यांना पोलिसांनी कोरोना बाधित रुग्णाच्या संपर्कात आल्याच्या संशयावरून खबरदारीसाठी ताब्यात घेतले.
मेहुणबारे (ता.चाळीसगाव) येथील पती-पत्नी व मुलगी तर चाळीसगाव येथे चार महिला, दोन मुले, तीन पुरुषांना अशा अकरा जणांना पोलिसांनी ताब्यात घेतले. त्यांची चाळीसगाव येथील ग्रामीण रुग्णालयात डॉ. बाविस्कर यांनी तपासणी केली असून पुढील तपासणीसाठी जळगाव येथे तात्काळ रवाना करण्यात येणार आहे. नागरिकांनी घाबरून न जाता प्रशासनाचे नियमाचे पालन करावे असे आव्हान मेहुणबारे पोलिसांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.