शहादा ः शिरपुर येथून तोरणमाळ यात्रेसाठी जाणाऱ्या भाविकांचा वाहनाचा अपघात होऊन वाहन पन्नास फुट दरीत कोसळे. या भिषण अपघातात दोन प्रवासी ठार झाले तर 11 जण जखमी झाले. कालापाणी जवळ सातपुड्याच्या दुसऱ्या पायथ्याशी नागार्जुन मंदिरानजीक ही घटना साडे सात ते आठ वाजेच्या दरम्यान घडली. चालकाचा वाहनावरील ताबा सुटल्याने अपघात झाल्याची माहिती समोर येत आहे.
महाशिवरात्री निमित्त आज तोरणमाळ येथे हे यात्रा भरते यात्रेसाठी शिरपूर तालुक्यातील (एम. एच. 41, 4836) या बोलेरो वाहनाने भाविक तोरणमाळ येथे जात होते. सातपुड्याच्या दुसऱ्या पायथ्याशी असलेल्या नागार्जुन मंदिराजवळ चालकाच्या वाहनावरील ताबा सुटल्याने बोलेरो वाहन दरीत कोसळले त्यात तुळशीराम वेलशा पावरा (वय 30,हरी दोंदवाडा) यांचा जागीच मृत्यू झाला. तर पवन सखाराम पावरा (वय 40) याला म्हसावद ग्रामीण रुग्णालयात दाखल करताना रस्त्यात मृत्यू झाला. दरम्यान, वाहनात सुमारे 15 प्रवासी होते. त्यातील 11 प्रवासी जखमी झाले आहेत. जखमींना तात्काळ म्हसावद येथील ग्रामीण रुग्णालयात दाखल करण्यात आले. पैकी सहा प्रवाशांना गंभीर दुखापत झाल्याने नंदुरबार येथील उपजिल्हा रुग्णालयात दाखल करण्यात आले. घटनास्थळी उपविभागीय पोलिस अधिकारी पुंडलिक सपकाळे व म्हसावद पोलिस ठाण्याचे पोलीस उपनिरीक्षक यांनी घटनास्थळी भेट दिली. प्रांताधिकारी डॉ. चेतन गिरासे यांनी घटनेची माहिती घेतली.
अपघातातील जखमी असे : अनिताबाई फुलाला पावरा (सेंधवा), मेनका बाई सुनील पावरा
(वडगांव, सेंधवा), सुनीता सुशील पावरा (शिरपूर,रोहिणी), सुनील लालसिंग पावरा (लाडगाव, सेंधवा ), कविता तुळशीराम पावरा (हरीदोंदवाडा), सुंदरलाल गल्या पावरा (रोहिणी,शिरपूर) राजेश सखाराम पावरा (आंबाखांबा), उमा पवन पावरा (आंबाखांबा), पूजा तुळशीराम पावरा (हरी दोंदवाडा ), साक्षी गोविंदा पावरा( रोहिणी नवापाडा) जितेश भिकला पावरा (आंबाखांबा) असे आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.