नाशिक : कोचरगाव (ता. दिंडोरी) शिवारातील वागदर मळा येथे मागील भांडणाची कुरापत काढून बारा जणांच्या जमावाने एकाचा खून केला. शिवाजी सुखदेव पारधी (वय 25) असे मृताचे नाव आहे. ही घटना बुधवारी (ता. 1) रात्री अकराच्या सुमारास घडली. संशयितांनी छातीत चॉपर खुपसले व लाकडी दांडक्‍याने डोक्‍यावर वार केल्याने शिवाजी पारधी याचा जागीच मृत्यू झाला.
असा घडला प्रकार
गणेश विसर्जनावेळी शिवाजी पारधी कोचरगाव येथील देवीची मूर्ती ठेवलेली पिक-अप गाडी चालवत होता. संशयित सोमनाथ टोंगारे याच्या गाडीला पिक-अप गाडीचा कट लागला. यामुळे त्यांच्यात वाद झाला. याबाबत दिंडोरी पोलिसांत गुन्हा दाखल आहे. बुधवारी रात्री संशयित सोमनाथ टोंगारे, सागर लिलके, दीपक लिलके, उत्तम लिलके, भागवत लिलके, धर्मराज लिलके, प्रकाश लिलके, लालू लिलके, लक्ष्मण लिलके, मनोज लिलके, भगवान लिलके, बाळू लिलके यांनी संगनमताने शिवाजी पारधी याच्यावर हल्ला चढवला. चॉपर छातीत खुपसला व लाकडी दांडक्‍याने केलेल्या मारहाणीमुळे शिवाजी पारधीचा जागीच मृत्यू झाला. याबाबत राजेंद्र पारधी यांनी दिलेल्या फिर्यादीवरून गुन्हा दाखल झाला असून, संशयितांना अटक करण्यात आली. उमराळे बुद्रुक दूरक्षेत्राचे पोलिस तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.