सटाणा (जि.नाशिक) : मोरेनगर येथील सटाणा महाविद्यालयाजवळ देवळा रस्त्यालगत दौलत देवरे यांच्या मालकीचे ॲमेझॉन कंपनीचे कुरिअर कार्यालय आहे. नेहमीप्रमाणे कार्यालयातील कर्मचारी कार्यालय बंद करून घरी गेले. रात्री एकच्या सुमारास शोएब युनूस तांबोळी (वय २१) कुरिअर घेऊन येणारी गाडी खाली करण्यासाठी गेला असता त्याला कार्यालयात कोणीतरी घुसल्याचे आढळले.

कुरिअर कर्मचाऱ्यावर हल्ला 

तांबोळी यांनी आरडाओरडा केला असता चोरट्यांनी त्याच्यावर हातोडीने हल्ला करून काउंटरमध्ये ठेवलेले ६७ हजार ४७५ रुपये लुटून नेले. तांबोळी यांच्या डोक्याला जबर मार लागल्याने त्यांना ग्रामीण रुग्णालयात दाखल करण्यात आले. घटनास्थळी उपविभागीय पोलिस अधिकारी शशिकांत शिंदे, पोलिस निरीक्षक नंदकुमार गायकवाड, सहाय्यक पोलिस निरीक्षक देवेंद्र शिंदे, स्थानिक गुन्हे शाखेचे समीर अहिरराव यांनी पाहणी केली. सटाणा पोलिसांत चोरट्यांविरुद्ध गुन्हा दाखल करण्यात आला.  

हेही वाचा >  निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड 

६७ हजारांवर रक्कम लंपास 

​मोरेनगर (ता. बागलाण) येथील ॲमेझॉन कंपनीच्या कुरिअर कार्यालयात रविवारी (ता. ३) मध्यरात्री एकच्या सुमारास चोरट्यांनी कर्मचाऱ्यावर हल्ला करत ६७ हजार ४७५ रुपये लुटून पोबारा केला.

हेही वाचा > साईबाबांच्या दर्शनाची इच्छा अपूर्णच; बाईकवरून शिर्डीवर निघालेल्या तीन तरुणांवर काळाचा घाला