नाशिक : जिल्ह्यात रोजच एक हजारहून अधिक रुग्णांचे अहवाल पॉझिटिव्ह येत असून, बरे होणाऱ्यांचे प्रमाण तुलनेत कमी-अधिक होत आहे. त्यामुळे ॲक्टिव्ह रुग्णसंख्येत किरकोळ वाढ होत आहे. सोमवारी (ता. ७) दिवसभरात एक हजार १४९ नवीन रुग्ण आढळले. तर एक हजार ८६ रुग्ण घरी परतले. वीस रुग्णांचा मृत्यू झाल्याची नोंद आहे. यातून ॲक्टिव्ह रुग्णसंख्येत ४३ ने वाढ झाली असून, सात हजार ७३४ बाधितांवर उपचार सुरू आहेत.
नाशिक शहरातील ७३४ रुग्ण
सोमवारी आढळलेल्या बाधितांमध्ये नाशिक शहरातील ७३४, ग्रामीणचे ३४३, मालेगावचे ७२ रुग्ण आहेत. त्यामुळे एकूण रुग्णसंख्या ४४ हजार ८३९ झाली आहे. तर, बरे झालेल्या रुग्णांमध्ये नाशिक शहरातील ८७८, ग्रामीणचे १७३, मालेगावचे ३४ आणि जिल्हाबाह्य एक रुग्ण आहे. तसेच, वीस मृतांमध्ये नाशिक शहरातील १२, ग्रामीणचे सात आणि मालेगाव येथील एकाचा समावेश आहे. त्यामुळे सध्या सात हजार ७३४ रुग्ण उपचार घेत आहेत.
दिवसभरात दाखल झालेले रुग्ण
दिवसभरात नाशिक महापालिका रुग्णालये व गृहविलगीकरणात एक हजार २१७, नाशिक ग्रामीण व गृहविलगीकरणात २७९, मालेगाव महापालिका हद्दीतील रुग्णालये व गृहविलगीकरणात ४६, डॉ. वसंतराव पवार वैद्यकीय महाविद्यालय २२, जिल्हा रुग्णालयात सहा संशयित रुग्णांना दाखल केले आहे. सायंकाळी उशिरापर्यंत एक हजार ८१४ अहवाल प्रलंबित होते. यापैकी सर्वाधिक एक हजार १६८ नाशिक ग्रामीणमधील आहेत.
मालेगावला ७२ पॉझिटिव्ह; एकाचा मृत्यू
मालेगाव : शहर व परिसरातील ७२ जणांचे कोरोना अहवाल पॉझिटिव्ह आले. तर, शहरातील एका कोरोनाबाधिताचा मृत्यू झाल्याने कोरोनाबळींची संख्या ११६ झाली आहे. सोमवारी पॉझिटिव्ह अहवाल आलेल्या रुग्णांमध्ये पूर्व भागातील तीन, तर उर्वरित रुग्ण शहराच्या कॅम्प, संगमेश्वर, नववसाहत, कलेक्टरपट्टा या पश्चिम व ग्रामीण भागातील आहेत. बागलाण तालुक्यातीलही दोघांचा यात समावेश आहे. दिवसभरात नव्याने ४६ रुग्ण दाखल झाले असून, २९० अहवाल प्रलंबित आहेत. शहरातील एकूण दोन हजार ९०३ रुग्णांपैकी दोन हजार १४० रुग्ण पूर्णपणे बरे झाले आहेत. सध्या उपचार घेत असलेल्या रुग्णांची एकूण संख्या ७१२ आहे.
येवल्यात आढळले १२ रुग्ण
येवला : येवला शहरातील सहा, अंदरसूल येथील तीन आणि मानोरी, सायगाव व एरंडगाव येथील प्रत्येकी एक अशा बारा जणांचे कोरोना अहवाल सोमवारी पॉझिटिव्ह आले. त्यामुळे शहर व तालुक्यातील एकूण रुग्णसंख्या ४४१ झाली आहे. आतापर्यंत ३१४ जण बरे होऊन घरी परतले असून, एकूण ३३ जणांचा कोरोनाने मृत्यू झालेला आहे. सध्या ९५ रुग्णांवर उपचार सुरू असल्याचे तालुका आरोग्य अधिकारी डॉ. हितेंद्र गायकवाड यांनी सांगितले.
संपादन - रोहित कणसे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.