नाशिक : महापालिकेकडून (NMC) आडगाव शिवारात IT पार्क उभारण्यावर शिक्कामोर्तब झाल्यानंतर IT कॉनक्लेव्ह सुरू असतानाच देशभरातील मोठ्या कंपन्यांनी जवळपास 40 लाख चौरस फूट जागेची मागणी केल्याचा दावा महापौर (Mayor) सतीश कुलकर्णी (Satish Kulkarni) यांनी केला.
महापालिकेकडून (NMC) आडगाव शिवारात 365 एकर क्षेत्रात IT पार्क उभारले जात आहे. IT पार्कसाठी महापालिकेची स्वमालकीची दहा एकर जागा आहे. उर्वरित जागा एक्सप्रेशन ऑफ इंटरेस्ट ( Expression of Interest) या तत्त्वावर जागा मालकांकडून भाडे तत्त्वावर घेतली जाणार आहे. त्यासाठी जवळपास 10 जागा मालकांनी इच्छा दर्शविली आहे. एकीकृत नियमावलीतील तरतुदीनुसार ग्रीन बेल्टमध्ये आयटी पार्क उभारता येईल. त्यासाठी अतिरिक्त F.S.I. (Floor Space Index) तरतूद आहे.
यात 50 % जागा IT पार्कसाठी, 20 % जागेवर निवासी क्षेत्र, 5 % जागेत ॲमेनिटी, तर 5 % जागा व्यवसायासाठी अशी तरतूद आहे. आयटी कॉनक्लेव्हमध्ये TCS (Tata Consultancy Services),सीन टेल, क्रेडीटसिस, इन्फोसिस, विप्रो, केपीआयटी आदी 15 राष्ट्रीय स्तरावरील कंपन्यांनी सहभाग नोंदविला, तर स्थानिक 75 आयटी कंपन्या सहभागी झाल्या. IT परिषद सुरू असतानाच विविध IT कंपन्यांकडून 40 लाख चौरस फूट जागेची मागणी नोंदविण्यात आल्याची माहिती महापौर कुलकर्णी यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.