नाशिक : "कार विसरुन जायची नाहीतर तुझा दफनविधी करुन टाकीन" अशी धमकी देत  कारमालकाचे उपहरण केले. कार परत देण्याचे सांगून कारमालकाला चौघांनी बळजबरीने कारमध्ये बसविले. ही घटना शालिमार व वाडीवर्‍हे गोंदे परिसरात घडली. काय घडले नेमके?

कार मागितल्यावर दफनविधी करण्याची धमकी

 नितीश हिंगमिरे यांची कार (एमएच १५-एफटी२७२१) छोटा पठाण, गणेश महाले यांच्यासह आणखी दोघांनी बळजबरीने घेतली. हिंगमिरे यांनी कार परत देण्याबाबत विचारणा केली असता चौघांनी आधी ५ लाख रुपये देण्याची मागणी केली. कार परत देण्याचे सांगून त्यांना शालिमार परिसरात बोलावले. त्यानुसार ते शालिमार येथे आले असता चौघांनी त्यांना बळजबरीने कारमध्ये बसविले. त्यांना वाडीवर्‍हे गोंदे परिसरात आणले. या ठिकाणी त्यांना चौघांनी मारहाण केली. कार विसरुन जायची नाहीतर तुझा दफनविधी करुन टाकीन अशी धमकी दिली.

हेही वाचा > मामा होता म्हणून भाची सहीसलामत! अक्षरश: मृत्यूच्या दाढेतून खेचून आणले भाचीला

दोघांवर गुन्हा दाखल

कारमालकाने कार मागितल्याच्या कारणातून चौघांनी मालकाचे अपहरण करत दफनविधी करण्याची धमकी दिल्याची याप्रकरणी पंचवटी येथील नितीश हिंगमिरे यांनी भद्रकाली पोलीस ठाण्यात तक्रार दिली. त्यानुसार पोलिसांनी संशयित छोटा पठाण, गणेश महाले यांच्या दोघांवर गुन्हा दाखल केला आहे.पोलिसांनी दिलेल्या माहितीनुसार, पुढील तपास सहायक पोलीस निरीक्षक मोहिते करत आहेत.

हेही वाचा > मित्राला सोडायला गेलेल्या दोघांचा दुर्दैवी अंत; ऐन दिवाळीत कुटुंबांवर दु:खाचा डोंगर