सिन्नर : भोजापुर खोरे परिसरात असणाऱ्या सोनेवाडी किल्ल्याच्या पायथ्याशी आज दुपारी 1.30 वाजेच्या सुमारास मृत अवस्थेतील नर बिबट्या आढळून आला. या बिबट्याचे वय 11 ते 12 वर्षदरम्यान असून वयोमानामुळे त्याचा मृत्यू झाला असावा असा अंदाज आहे.

हेही वाचा> ह्रदयद्रावक! "अखेर आज माझी लेकरं मला मिळाली"..संघर्षाला यश अन् मातेच्या कुशीत विसावली लेकरं ...

सोनेवाडी शिवारात शेरीफटा परिसरात वनक्षेत्राच्या लगत गणिभाई शेख यांची शेतजमीन आहे. आज दि.5 दुपारी 1.30 वाजेच्या सुमारास डोंगर पायथ्यालगत असणाऱ्या शेतात मरणासन्न अवस्थेत बिबट्या पहुडलेला असल्याचे शेख यांच्या लक्षात आले. त्यांनी तात्काळ सिन्नरचे वनपरिक्षेत्र अधिकारी प्रवीण सोनवणे याना याबाबत माहिती दिली. 

हेही वाचा> पुन्हा धाकधूक वाढली! मालेगावमध्ये पन्नास बाधितांचा समावेश.. प्रशासकीय यंत्रणा सावध ​

सोनवणे यांनी वन परिमंडळ अधिकारी प्रितेश सरोदे, अनिल साळवे, वनरक्षक आकाश रूपवते, किरण गोरुडे यांच्यासमवेत घटनास्थळी धाव घेतली असता अकरा ते बारा वर्षे वय असणारा बिबट्या मृतावस्थेत आढळून आला. मृत बिबट्यास मोहदरी येथील वन उद्यानात आणण्यात आले. तेथे तालुका पशुवैद्यकीय अधिकारी डॉ.मिलिंद भणगे यांनी शवविच्छेदन केले. त्यानंतर शासकीय नियमाप्रमाणे पंचनामा करून मृत बिबट्यास अग्नीडाग देऊन अंत्यसंस्कार करण्यात आले.

रिपोर्ट- अजित देसाई

संपादन- रोहित कणसे