Nashik Winter Update : शहर परिसरात अवकाळी पावसाच्‍या हजेरीनंतर मंगळवारी (ता.२८) दिवसभरातील बहुतांश वेळ सूर्यप्रकाश होता.

या सूर्यकिरणांनी नाशिककरांना दिलासा मिळाला. सायंकाळनंतर वातावरणात गारठा जाणवत होता. (Nashik Winter Update cold after evening news)

मंगळवारी नाशिकचे किमान तापमान १९ अंश सेल्सिअस नोंदविले गेले. २८.७ अंश सेल्सिअस इतक्‍या कमाल तापमानाची नोंद झाली. हवामानखात्‍याच्‍या अंदाजानुसार दिवसभर काही प्रमाणात ढगाळ वातावरण कायम राहिले.

परंतु रखरखत्‍या सूर्यकिरणांनी काही प्रमाणात नाशिककरांना दिलासा दिला. वातावरणातील वाऱ्यामुळे सायंकाळनंतर गारठ्याचे प्रमाण वाढलेले होते.

पुढील दोन दिवस ढगाळ वातावरण राहण्याचा अंदाज आहे. काही भागांमध्ये तुरळक प्रमाणात पाऊस पडण्याचीदेखील शक्‍यता आहे.