नाशिक रोड : मध्य रेल्वेच्या वतीने विशेष साधनसामग्री वहन करण्यासाठी विशेष पार्सल गाड्या 31 डिसेंबरपर्यंत असणार आहेत. छत्रपती शिवाजी महाराज टर्मिनस- शालिमार पार्सल विशेष गाडी 31 डिसेंबरपर्यंत (क्रमांक 00113 डाउन) छत्रपती शिवाजी महाराज टर्मिनस मुंबई येथून दररोज 23.55 वाजता सुटेल. तिसऱ्या दिवशी 11.35 वाजता शालिमार येथे पोचेल. 

00114 अप पार्सल विशेष दररोज 21.45 वाजता शालिमार येथून सुटेल. तिसऱ्या दिवशी छत्रपती शिवाजी महाराज टर्मिनस मुंबई येथे 9.25 वाजता पोचेल. ही गाडी कल्याण, इगतपुरी, नाशिक रोड, मनमाड, जळगाव, भुसावळ, बडनेरा, अकोला, नागपूर, गोंदिया, दुर्ग, रायपूर, बिलासपूर, झारसुगुडा, राउरकेला, चक्रधरपूर, टाटानगर, खडगपूर, पाशकुडा, मेचेदा येथे थांबेल. 

हेही वाचा > हॅलो..सैन्यदलातून बोलतोय..समोरून भामट्याने घातला असा गंडा..
हैदराबाद-अमृतसर विशेष पार्सल गाडी (क्रमांक : 00763 डाउन) ही हैदराबाद स्थानकाहून शुक्रवारी 19.30 वाजता प्रस्थान करून रविवारी अमृतसरला 9.10 वाजता पोचेल. मनमाड, भुसावळ, इटारसी, भोपाल, बिना, झॉंसी, आग्रा, न्यू डेल्ही, अम्बाला, लुधियाना, जालंधर येथे थांबेल. गाडी क्रमांक 00764 अप अमृतसर-हैदराबाद विशेष पार्सल गाडी ही अमृतसर स्थानकाहून सोमवारी पाचला प्रस्थान करून मंगळवारी हैदराबादला 18.20 वाजता पोचेल. भुसावळ, मनमाड, औरंगाबाद, जालना, परभणी, पूर्णा, नांदेड, निझामाबाद, सिकंदराबाद येथे थांबेल. 

हेही वाचा > काय सांगता..! कोरोना प्रतिबंधासाठी नारळ व खोबरे तेल ठरतेय रामबाण उपाय...प्राथमिक संशोधनातून समोर