नाशिक : (देवपूर) मध्यरात्रीची वेळ...गाढ झोपत असतांनाच अचानक गाईच्या जोराजोरात हंबरण्याचा आवाज झाला. मोतीराम गडाख खडबडून जागे झाले. सकाळीच जन्मलेले वासरु गायीजवळून गायब? सुरुवातीस वासरू गायीजवळ नसल्याने गडाख गोंधळलेच. शोधा शोध सुरु केली असता धक्काच...

अशी घडली घटना

देवपूर येथील शेतकरी मोतीराम मुकुंदराव गडाख यांचे गावालगत घर असून घराजवळच जनावरे बांधलेली होती. नुकतेच जन्म झालेले एक दिवसाचे वासरू गायी जवळ बांधलेले होते. रात्री मोतीराम गडाख बाहेर झोपलेले असताना हा धक्कादायक प्रकार घडला. सुरुवातीस वासरू गायीजवळ नसल्याने गडाख गोंधळलेच. डोक्यात तर्क-वितर्क सुरु झाले. आजूबाजूचा सर्व परिसरात शोधून झाले, मात्र वासरु काही दिसलेच नाही. सकाळी वासराचा जन्म झाला व त्याच रात्री वासरु गायब? वासरु बिबट्यानेच वासरू फस्त केल्याचा संशय आल्याने वनविभागाच्या अधिकाऱ्यांना पाचारण करण्यात आले. 

हेही वाचा > वाद सोडवणे बेतले दोघा भावांंच्या जीवावर! पोलीस कॉन्स्टेबल ठरणार घटनेचे महत्वपूर्ण साक्षीदार; काय घडले नेमके?

वासरास बिबट्याने पूर्ण फस्त केलेले असल्याने बिबट्याचं असल्याचा निर्वाळा अधिकाऱ्यांनी दिला. परिसरात मका शेतीमुळे बिबट्या या परिसरात आश्रयास असण्याची शक्यता आहे . रात्रीच्या वेळी बाहेर पडताना नागरिकांमध्ये घबराट पसरली असून सावधगिरी बाळगत आहे. या परिसरात वनविभागाने पिंजरा लावून गस्त वाढवण्याची मागणी होत आहे.

हेही वाचा > घरभाड्याची मागणी करताच भाडेकरूने घरमालकासोबत केला "धक्कादायक" प्रकार! परिसरात खळबळ; काय घडले वाचा

संपादन - किशोरी वाघ