नाशिक/अभोणा : भौती (ता. कळवण) येथील महिलेवर एकाने बलात्कार केला, तर दोघांनी त्याला मदत केली. ही घटना मंगळवारी (ता. 18) घडली. या प्रकरणातील तीन संशयितांना येथील पोलिसांनी अटक केली.

असा घडला प्रकार...

पीडित महिलेने भौती गावात नवीन घर बांधले असून, त्यास दरवाजा नाही. महिलेचा पती डोन (ता. अहवा) येथे व मुलगा काठरे (ता. कळवण) येथे कामानिमित्त गेले होते. रात्री दोनच्या सुमारास चिंतामण चौधरी, श्‍यामू पवार व गोपीनाथ बहिरम यांनी झोपेत असलेल्या महिलेस तोंड दाबून घराबाहेर नेले. चिंतामण चौधरी याने महिलेवर बलात्कार केला व श्‍यामू पवार, गोपीनाथ बहिरम यांनी त्या महिलेस पकडून ठेवले. पीडित महिलेने जोरात हिसका देऊन तोंडावरील हात बाजूला करून मुलाच्या नावाने आरडाओरड केली. लहान मुलगा जागा होऊन बॅटरी घेऊन आतील खोलीत आला. बॅटरीच्या प्रकाशात तिघेही पळून गेले.

हेही वाचा > भयंकर! इमारतीच्या गेटवर नाव भलतेच..अन् आतमध्ये चालायचा "धक्कादायक' प्रकार..

अभोणा पोलिसांची कारवाई 

महिलेने अभोणा पोलिस ठाण्यात तत्काळ संपर्क साधला. अभोण्याचे सहाय्यक निरीक्षक उमाकांत गायकवाड, उपनिरीक्षक दीपक बागूल, हवालदार उत्तम चौधरी, नामदेव कवर, संतोष चव्हाण यांनी तत्काळ घटनास्थळी भेट दिली. पहाटे चारच्या सुमारास गावाशेजारील जंगलात लपून बसलेल्या तिघांना ताब्यात घेतले. पीडित महिलेच्या फिर्यादीवरून येथील पोलिस ठाण्यात गुन्हा दाखल झाला आहे. 

हेही वाचा > धक्कादायक! 'या' तंत्रज्ञानामुळे फेकन्यूज ओळखणंही होणार अवघड..कारण..