YCMOU Admission : यशवंतराव चव्‍हाण महाराष्ट्र मुक्‍त विद्यापीठातर्फे शैक्षणिक वर्ष २०२३-२४ साठी प्रवेशप्रक्रिया सुरू आहे.

सोमवारी (ता. ३१) नोंदणीची मुदत संपत असताना विद्यापीठाने विनाविलंब शुल्‍क ऑनलाइन अर्ज प्रवेश भरण्यास मुदतवाढ दिली आहे. (ycmou admission Extension till 20th August nashik news)

त्‍यानुसार आता विद्यार्थ्यांना २० ऑगस्‍टपर्यंत विनाविलंब शुल्‍क अर्ज भरता येईल. प्रवेश अर्जास अभ्यासकेंद्र मान्‍यता घेण्यासाठी २६ ऑगस्‍टपर्यंत मुदत दिली जाणार आहे.

दूरस्‍थ शिक्षण पद्धतीतून विविध विद्याशाखांचे अभ्यासक्रम यशवंतराव चव्‍हाण महाराष्ट्र मुक्‍त विद्यापीठामार्फत उपलब्‍ध करून दिले आहेत. राज्‍यभर विस्‍तार असलेल्‍या या विद्यापीठातर्फे पदविका, पदवी आणि पदव्‍युत्तर पदवी अभ्यासक्रमांना प्रवेश दिले जात आहेत.

विद्यापीठ अधिकार मंडळाने घेतलेल्‍या निर्णयानुसार कृषी शिक्षणक्रम, बी.एड., बी. एड. (विशेष), प्रथम वर्ष एमबीए आदी अभ्यासक्रमांव्‍यतिरिक्‍त उर्वरित शिक्षणक्रमांना ऑनलाइन अर्ज करण्यास मुदतवाढ दिली असल्‍याचे जाहीर केले आहे.

हेही वाचा : Credit Card फसवणूक....काय घ्याल काळजी?

त्‍यामुळे राज्‍यभरातील विद्यार्थ्यांना दिलासा मिळाला आहे. सुधारित वेळापत्रकानुसार ऑनलाइन प्रवेश अर्ज विनाविलंब शुल्‍क २० ऑगस्‍टपर्यंत भरता येईल. प्रवेश अर्जास अभ्यासकेंद्राची मान्‍यता २६ ऑगस्‍टपर्यंत घेता येणार आहे.

प्रवेशास इच्छुक विद्यार्थ्यांसाठी सूचना..

* विद्यार्थ्यांनी संकेतस्‍थळावर उपलब्‍ध माहिती पुस्‍तिका वाचावी

* ऑनलाइन पद्धतीने अर्ज करताना अचूक माहिती भरावी

* निर्धारित मुदतीत प्रवेश अर्ज भरून निश्‍चित करायचा आहे.