अकोला : अकोल्यात दिवसागणिक वाढणारा कोरोना बाधितांचा आकडा अनेकांची झोप उडविणारा आहे. यातच कोरोनाने पोलिसांनाही सोडले नसून, आतापर्यंत अकोल्यात ११ पोलिस कर्मचाऱ्यांना कोरोनाने ग्रासले आहे. विशेष म्हणजे विदर्भातील सर्वाधिक पोलिस कोरोना बाधित अकोल्यातीलच आहेत.
शहरात कोरोनाचा प्रकोप वाढतो आहे. सर्वच घटकातील लोकांना कोरोनाची लागण झाल्याचे चित्र आजपर्यंतच्या अहवालावरून समोर येते. शहरातील ११ पोलिसांना आजपर्यंत कोरोनाची लागण झाल्याने, विदर्भात सर्वाधिक कोरोनाची लागण अकोल्यातील पोलिसांना झाली आहे. सुरुवातीला शहरात रामदासपेठ पोलिस ठाण्याच्या हद्दीत कोरोनाचा पहिला रुग्ण निघाला होता.
हा परिसर रामदासपेठ पोलिस ठाण्याच्या अंतर्गत येत असल्याने साहजिकच बंदोबस्त ठेवण्याची जबाबदारी या पोलिसांवर आली. त्यामुळे सुरुवातीला याच पोलिस ठाण्यातील उमरीमध्ये रहिवासी असलेला पोलिस कोरोना पॉझिटिव्ह आला होता. त्यानंतर त्याच्या संपर्कात आलेले इतर पोलिसांना कोरोनाची लागण होत गेली.
त्यानंतर पोलिस प्रशिक्षण केंद्रातील एका पोलिस निरीक्षकाला आणि त्यांच्या कुटुंबियांनासुद्धा कोरोनाची लागण झाली आहे. शहरात ११ पोलिसांचे रिपोर्ट कोरोना पॉझिटिव्ह आला असला तरी खंबीरपणे पोलिस या संकटाचा सामना करीत असून, लोकांना संसर्ग होवू नये, म्हणून कर्तव्य बजावत आहेत.
उपाय योजनांची गरज
पोलिसांना सुविधा देवून त्यांची राहण्याची व्यवस्था व्हावी, यासोबतच कंटेनमेंट झोनमध्ये जे पोलिस कर्तव्यावर आहेत. अशा पोलिसांची कोरोना वॉर्डातील डॉक्टरसारखी ड्युटी संपल्यानंतर घरी गेल्यानंतर कुटुंबियांना संसर्ग होवू नये म्हणून स्वतंत्र राहण्याची व्यवस्था करावी. तसेच खबरदारी म्हणून सर्वच पोलिसांच्या टेस्ट करण्याची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.