वाशिम : जनावरांनी काय खावं काय खाऊ नये? याची उपजत समज असते. पण तरीही बऱ्याचदा चाऱ्यासोबत चुकून एखादी वेगळी वस्तू त्यांच्या पोटात गेल्याची अनेक उदाहरणं आपणं पाहिली असतील. अशाच प्रकारे एका म्हशीनं चक्क एका महिलेच्या गळ्यातील मंगळसूत्र गिळल्याचा प्रकार समोर आला आहे. वाशिम जिल्यातील सारसी गावात हा प्रकार घडला. (Buffalo swallowed Mangal sutra worth Rs one lakh veterinary officials made an important appeal)

सुत्रांच्या माहितीनुसार, सारसी गावातील एका शेतकऱ्याच्या म्हशीबाबत हा प्रकार घडला आहे. म्हशीला चारा टाकत असताना त्यामध्ये सुमारे सव्वा लाख रुपये किंमतीचं अडीच तोळ्याचं मंगळसूत्र पडलं. त्याचवेळी चाऱ्यासोबत ते म्हशीच्या पोटात गेलं पण ही बाब तात्काळ संबंधित शेतकरी महिलेच्या लक्षात आली. त्यानंतर या कुटुंबानं थेट पशूवैद्यक अधिकाऱ्यांशी संपर्क साधला.

मंगळसूत्र कसं बाहेर काढलं?

पशूवैद्यक अधिकारी बाळासाहेब कौंदाने यांनी सांगितलं की, "मला सारसी गावातून फोन आला होता, एका म्हशीनं चुकून सोन्याचं मंगळसूत्र गिळलं. यानंतर ते लोक ही म्हैस आमच्या दवाखान्यात घेऊन आले. यानंतर मेटल डिटेक्टरनं आम्ही या म्हशीचं चेकअप केलं. यानंतर हे निश्चित झालं की तिनं मंगळसूत्र खाल्लं आहे. (Marathi Tajya Batmya)

महत्वाचं आवाहन

त्यानंतर मंगळसूत्र तिच्या पोटातून बाहेर काढण्यासाठी म्हशीवर शस्त्रक्रिया करण्याचा निर्णय आम्ही घेतला. शस्त्रक्रियेनंतर २५ ग्रॅमची सोन्याचं मंगळसूत्र आम्ही बाहेर काढलं. या शस्त्रक्रियेसाठी आम्हाला दोन तास लागले. यामध्ये म्हशीच्या पोटावर ६० ते ६५ टाके घालण्यात आले. पण आमची सर्व शेतकऱ्यांना विनंती आहे की, त्यांनी जनावरांना चारा देताना जपून द्यावा, ज्यामुळं त्यांना अशा प्रकारचा त्रास होणार नाही.