भंडारा : जिपैसेवारी 50 पेक्षा अधिक आहे. खरीप हंगामातील पिकांची अंतिम पैसेवारी ही शेतकऱ्यांच्या दृष्टीने अतिशय महत्त्वाची असते. 50 पेक्षा कमी पैसेवारी असल्यास शासनाकडून संबंधित भागात काही प्रमाणात सवलती दिल्या जातात. यावर्षी अवकाळी पाऊस, अतिल्ह्यातील 884 गावांपैकी 636 गावांची अंतिम पैसेवारी 50 पेक्षाकमी असून 208 गावांची वृष्टी आणि महापूर आल्यानंतरही 208 गावांची पैसेवारी 50 पेक्षाअधिक आहे.
भंडारा जिल्ह्यात एकूण गावांची संख्या 898 आहे. त्यात खरीप गावांची संख्या 884 असून महसूल विभागाने 844 गावांची पैसेवारी घोषित केली आहे. जिल्हाधिकारी संदीप कदम यांच्या स्वाक्षरीने अंतिम पैसेवारी 31 डिसेंबरला जाहीर करण्यात आली आहे. 50 पेक्षाकमी पैसेवारी असलेल्या गावांमध्ये भंडारा तालुक्यातील 123, पवनी 89, तुमसर 95, मोहाडी 44, साकोली 94, लाखांदूर 89, लाखनी 102 गावांचा समावेश आहे. तसेच 50 पेक्षा अधिक पैसेवारी असलेल्या गावांमध्ये भंडारा तालुक्यातील 44, पवनी 52, तुमसर 48, मोहाडी 64 गावांचा समावेश आहे. विशेष म्हणजे साकोली, लाखांदूर आणि लाखनी तालुक्यात एकही गावाची पैसेवारी 50 पेक्षा अधिक नाही.
दुष्काळी गावांत सवलती मिळणार -
50 पेक्षा कमी पैसेवारी असलेल्या गावांना सवलती मिळतात. यात जमीन महसुलात सूट, शेतकऱ्यांच्या कर्जाची वसुली सक्तीने न करणे, सहकारी कर्जाचे पुनर्गठन, नरेगाच्या टंचाई कामांना प्राधान्य, शेतकऱ्यांच्या पाल्यांचे शैक्षणिक व परीक्षा शुल्क माफ करणे आदींचा समावेश असतो. याचा लाभ जिल्ह्यातील 636 गावांना मिळणार आहे. जिल्ह्यातील 40 गावाची पैसेवारी जाहीर करण्यात आली नाही. ही गावे पाण्याखाली, अकृषक आणि प्रकल्पांतर्गत आहेत.
दुष्काळी वर्ष तरीही पैसेवारी अधिक -
जिल्ह्यात यावर्षी दुष्काळसदृश परिस्थिती आहे. अतिवृष्टी आणि महापुराने शेतकऱ्यांचे पीक उद्ध्वस्त केले. त्यानंतर तुडतुड्यासह विविध किडींनी धान फस्त केले. धानाचा उतारा निम्म्यापेक्षा कमी आला आहे. अशा स्थितीत संपूर्ण जिल्ह्याची पैसेवारी 50 पेक्षा कमी राहील, अशी अपेक्षा होती. मात्र, चार तालुक्यातील 208 गावांची पैसेवारी 50 पेक्षा अधिक आली. त्यामुळे या गावातील शेतकऱ्यांना सवलती मिळणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.