अमरावती : अमरावती विभाग शिक्षक मतदारसंघाच्या निवडणुकीत उमेदवारी अर्ज मागे घेण्याचा आज (मंगळवार) शेवटचा दिवस आहे. त्यामुळे याच दिवशी रिंगणातील उमेदवारांची संख्या स्पष्ट होणार आहे. त्यामुळे आजपासून या निवडणुकीत खऱ्या अर्थाने रंगत येणार आहे. 

हेही वाचा - हे देवाऽऽ! मंदिर उघडताच चोरट्यांनी फोडली दानपेटी; सीसीटीव्हीवर झाकले होते पोते

उमेदवारी अर्ज दाखल करण्याच्या शेवटच्या दिवसापर्यंत एकूण 28 जणांनी अर्ज दाखल केले होते. 13 नोव्हेंबरला या अर्जांची छाननी झाली. त्यात सर्वच 28 उमेदवारांचे अर्ज वैध ठरले. त्यामुळे आता अर्ज मागे कोण घेणार? याकडे सर्वांचे लक्ष लागले आहे. एक डिसेंबरला मतदान असल्याने उमेदवारांच्या हातात आता केवळ 12 दिवसांचा कालावधी शिल्लक आहे. मतदारसंघाचा व्याप प्रचंड मोठा असल्याने एवढ्या कमी दिवसांत मतदारांपर्यंत पोहोचणे नव्या उमेदवारांना अतिशय कठीण आहे. त्यामुळे संघटनांनी आपल्या पदाधिकारी तसेच कार्यकर्त्यांच्या मदतीने चांगलाच जोर लावला आहे. 

हेही वाचा - #Inspirational : प्रणालीचा सायकल प्रवास ठरतोय तरुणाईची...

आकडेमोड झाली सुरू -
कोणत्या भागातून कोणते मतदार मिळू शकतात, याची चाचपणी उमेदवारांनी सुरू केली असून त्यावर आकडेमोड सुरू केली आहे. ज्याठिकाणी पहिल्या पसंतीची मते मिळणे कठीण वाटत आहे तेथे दुसऱ्या पसंतीची मते मिळावीत, यासाठी त्यांचे प्रयत्न सुरू आहेत. 

हेही वाचा - शुद्ध श्‍वासाचा निर्माताच सापडला संकटात, शेकडो वर्षे...

शिक्षकांमध्ये चर्चेला उधाण -
शिक्षकांच्या या मतदारसंघात कोणता उमेदवार समोर आहे व कोण मागे पडला, याची चर्चा आता चांगलीच रंगत आहे. खासगीत हे शिक्षक निवडणुकीचे काय चित्र राहील याचा अंदाजसुद्धा स्पष्टपणे सांगत आहेत. त्यामुळे शिक्षकांच्या मनात नेमके काय सुरू आहे, हे स्पष्ट होत आहे. त्यातूनच या निवडणुकीचे आश्‍चर्यकारक निकाल येण्याची शक्‍यता वर्तविण्यात येत आहे.