नागपूर : जवळपास दोन आठवड्यांपासून सुरू असलेल्या दमदार पावसामुळे विदर्भाने सरासरी गाठली आहे. नागपूर शहरात तब्बल एक हजार मिलिमीटर पावसाची नोंद करण्यात आली आहे. अकोला व अमरावतीचा अपवाद वगळता विदर्भातील सर्वच जिल्ह्यांमध्ये समाधानकारक पाऊस पडला आहे.
प्रादेशिक हवामान विभागाच्या अधिकाऱ्यांनी दिलेल्या माहितीनुसार, विदर्भात एक जूनपासून आतापर्यंत ६६८ मिलिमीटर पाऊस झाला आहे. जो सरासरी (७०५ मिलिमीटर) पावसाच्या केवळ पाच टक्के कमी आहे. हवामान विभागाच्या भाषेत हा सरासरी पाऊस मानला जातो.
विदर्भात सर्वाधिक पावसाची नोंद अर्थातच नागपूर शहरात झाली आहे. येथे २२ ऑगस्टपर्यंत तब्बल १०१५ मिलिमीटर पाऊस झाला आहे. १ जून ते ३० सप्टेंबरपर्यंत चार महिन्यांत विदर्भात साधारणपणे ९४३ मिलिमीटर पाऊस पडतो. नागपूरने दीड महिन्यापूर्वीच पावसाची सरासरी गाठली. त्या तुलनेत जिल्ह्यात केवळ ७३५ मिलिमीटर इतकाच पाऊस पडला आहे.
विदर्भात सर्वाधिक पाऊस वाशीम जिल्ह्यात ६८७ मिलिमीटर झाला. जो सरासरीच्या (५८७ मिलिमीटर) १७ टक्के अधिक आहे. अकोला व यवतमाळ जिल्हे अजूनही कोमात आहेत. येथे अनुक्रमे २४ व २१ टक्के कमी पाऊस झालेला आहे. अमरावती जिल्ह्यातही परिस्थिती फारशी उत्साहवर्धक नाही. येथे आतापर्यंत १९ टक्के कमी पावसाची नोंद करण्यात आली आहे. पावसाळ्याचा अद्याप सव्वा महिना शिल्लक असल्याने तूट भरून निघण्याची शक्यता वर्तविली जात आहे.
गतवर्षी व आतापर्यंत झालेल्या समाधानकारक पावसामुळे विदर्भातील मध्यम व मोठी धरणेही तुडुंब भरली आहेत. नागपूर शहराला पाणीपुरवठा करणारे पेंच नदीवरील तोतलाडोह धरण काठोकाठ भरले आहे. धरणाची सध्याची स्थिती बघता पुढील दोन वर्षे नागपूरकरांना उन्हाळ्यात पिण्याच्या पाण्याची समस्या जाणवणार नाही. अतिवृष्टीमुळे भंडारा जिल्ह्यातील गोसेखुर्द धारणाचीही ३३ दारे उघडण्यात आली आहेत. विदर्भातील इतरही धरणांची स्थिती समाधानकारक आहे. महाराष्ट्रातील जलसाठ्यातही वाढ झाली आहे. जलसंपदा विभागाच्या संकेतस्थळावर उपलब्ध माहितीनुसार, सद्यःस्थितीत एकूण पाणीसाठा ७५ टक्के असून, मृतसाठाही ९५ टक्के इतका आहे.
| जिल्हा | सरासरी पाऊस | प्रत्यक्ष पाऊस | तूट | ||
| नागपूर | ६७४ मिमी | ७३५ मिमी | +९ | ||
| वर्धा | ६५० मिमी | ६०७ मिमी | -७ | ||
| अमरावती | ६३७ मिमी | ५१७ मिमी | -१९ | ||
| भंडारा | ८६३ मिमी | ९१७ मिमी | +६ | ||
| गोंदिया | ९१० मिमी | ८३७ मिमी | -८ | ||
| अकोला | ५१७ मिमी | ३९१ मिमी | -२४ | ||
| वाशीम | ५८७ मिमी | ६८७ मिमी | +१७ | ||
| बुलडाणा | ४८० मिमी | ५५० मिमी | +१५ | ||
| यवतमाळ |
|
४८० मिमी | -२१ | ||
| चिरोली |
|
९३७ मिमी | -५ | ||
| चंद्रपूर |
|
७४३ मिमी | -८ |
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.