बुटीबोरी (जि. नागपूर) : बुटीबोरीचा उड्डाणपूल (Butibori flyover) हा अत्यंत महत्त्वाचा उड्डाणपूल आहे. हे स्थळ अपघातप्रवण होते. इतर उड्डाणपुलांच्या तुलनेत या पुलाचे काम उत्तम झाले आहे. उड्डाणपुलावर ६९.२७ कोटींचा खर्च झाला. १.६९ किमीचा हा सहापदरी उड्डाणपूल (This is a 1.69 km flyover) आहे. येत्या सहा महिन्यांत नागपूर ते बुटीबोरी हा सहापदरी रस्ता बनवू, असे केंद्रीय रस्ते वाहतूक व महामार्ग, परिवहन मंत्री नितीन गडकरी (Union Minister Nitin Gadkari) म्हणाले. (Butibori-flyover-inaugurated-by-Union-Minister-Nitin-Gadkari)

बुटीबोरी उड्डाणपुलाचा लोकार्पण समारंभ गुरुवारी (ता. १७) पार पडला. याप्रसंगी ते बोलत होते. पाच वर्षांत नागपूरला ‘ग्रीन नागपूर’ बनवू. ध्वनी प्रदूषण, हवेतील प्रदूषण आणि पाण्यातील प्रदूषण कमी करण्यासाठी काम केली जात आहे. तसेच सीएनजीचा पंप बुटीबोरीत लावण्याचाही प्रयत्न आहे. ट्रक आणि बसेस सीएनजीवर चालल्या तर प्रदूषण कमी होईल. बुटीबोरीत चांगली शाळा, महाविद्यालये, लोकांसाठी चांगला बाजार, परवडणारी घरे बनावी. एक आदर्श टाऊनशिप म्हणून या शहराचा विकास व्हावा व राज्यातील सुंदर शहर बनावे म्हणून काम करण्याची गरज आहे, असेही नितीन गडकरी म्हणाले.

बुटीबोरी उड्डाणपुलावर ६९.२७ कोटींचा खर्च करण्यात आला असून, डिसेंबर २०१८ मध्ये हे काम सुरू झाले. बुटीबोरी टी जंक्शनला राष्ट्रीय महामार्गावरील वाहनांची, बुटीबोरी गावाकडून येणारी व एमआयडीसी क्षेत्रातून येणारी जड वाहनांची वर्दळ असल्यामुळे या ठिकाणी मोठ्या प्रमाणात वाहतुकीची कोंडी होत होती. ती आता होणार नाही. १.६९ किमीचा हा सहापदरी उड्डाणपूल आहे, असेही ते म्हणाले.

उड्डाणपुलावर ८० किमी प्रतितास वेगाने वाहने वाहतूक करू शकतील. उड्डाणपुलावरील मुख्य रस्त्याची रूंदी २४ मीटर आहे. या उड्डाणपुलामुळे इंधनात बचत आणि प्रदूषण कमी करण्यास मदत होईल. उड्डाणपुलाच्या खालील भागात वृक्षारोपण, लँडस्केपिंग करून सौंदर्यीकरण करण्यात आले आहे. त्यामुळे अनधिकृत पार्किंगला आळा बसणार आहे, असेही ते म्हणाले. नागपूरची मेट्रो बुटीबोरीपर्यंत आणण्यासाठी लवकरच काम सुरू होईल, असेही ते म्हणाले.

अंबाझरी ते पारडी हा प्रवास नावेतून

दोन ते तीन वर्षांत अंबाझरी ते पारडी हा प्रवास आपण नावेतून करणार आहो. पर्यटनाच्या दृष्टीने नागनदीचा विकास करण्यात येत आहे. नागनदी सौंदर्यीकरणासाठी २,२०० कोटी खर्च करण्यात येणार आहे. बुटीबोरीतही व्हेंटिलेटर्ससह सर्व सुविधायुक्त आदर्श हॉस्पिटल तयार करावे, असे नितीन गडकरी म्हणाले.

(Butibori-flyover-inaugurated-by-Union-Minister-Nitin-Gadkari)