मोवाड (जि.नागपूर) : मोहदी(दळवी)शिवारात नाल्याशेजारी असलेले हिरवे गवत खाण्यासाठी तक्रारकर्त्यांनी त्याच्या चार गाई तेथे बांधल्या. ठेक्‍याने केलेल्या शेतातून तक्रारकर्त्याच्या शेतात जाण्याचा मार्ग आहे. त्यावरून गाई-वासरांची ने-आण करण्याच्या कारणावरून तक्रारकर्ता व शेतठेकेदार यांच्यामध्ये नेहमीच वादग्रस्त खटके उडायचे. त्यावरून ठेकेदारानेच त्या हिरव्या गवतावर कीटकनाशकाची फवारणी केल्यामुळे चार गाईंचा नाहकच मृत्यू झाला. तक्रारीन्वये नरखेड पोलिसांनी आरोपीविरुद्ध गुन्हा दाखल केला आहे.

अधिक वाचा : भयंकर...वीस वर्षीय युवतीचा साठ वर्षीय वृद्‌धाने केला बलात्कार

गाईवासरांवरून नेहमी व्हायचा वाद
तक्रारकर्ते रवींद्र पांडुरंग डोंगरे (वय 50, नरखेड) यांची नरखेड ठाण्याअंतर्गत 8 एकर शेती आहे.
त्यापैकी ते 4 एकर शेतीची मशागत करतात. उर्वरित 4 एकर शेती त्यांचा थोरला भाऊ पुरुषोत्तम डोंगरे सांभाळतो. पुरुषोत्तमने आपले शेत विठ्ठल रेवतकर नामक व्यक्तीला ठेक्‍याने दिले. रवींद्रची वहीवाट करण्याचा रस्ता हा पुरुषोत्तमच्या शेतातूनच आहे. पण, ठेकेदार व रवींद्र यांच्या शेतमार्गावरून गाई-वासरे ने-आण करण्याच्या कारणावरून नेहमीच वाद व्हायचा. यात ठेकेदार व त्यांची मुले रवींद्रला नेहमीच धमकावीत असल्याचे तक्रारीत नमूद आहे.

अधिक वाचा : (video)गुमगाववासीयांना आजही पावसाळयात सहन कराव्या लागतात या वेदना...

तोंडावाटे निघू लागला फेस
28 जूनला दुपारी रवींद्र डोंगरे यांनी गाई शेताशेजारील नाल्याजवळ हिरवे गवत खाण्यासाठी बांधल्यात व वासरे गोठ्यात बांधली. नंतर ते घरी निघून गेल्यावर सायंकाळी त्यांचा मुलगा हेमंत गाईचे दूध काढण्यासाठी शेतात गेला. बांधलेल्या गायीपैकी तीन गाई हिरवे गवत खाऊन मृत्युमुखी पडल्याचे दिसले. काही वेळाने चौथ्या गाईच्या तोंडातून फेस निघत असताना मृत्यू झाल्याचे आढळले. त्या चारही गाईंची अंदाजे किंमत 30 हजार रुपयांच्या असल्याचे तक्रारीत नमूद आहे.

हेही वाचा : हिरवे स्वप्न फुलण्यापूर्वी जमिनीतच "दफन' झाले बियाणे, असे काय झाले...

ठेकेदारावर गुन्हा दाखल
या प्रकरणी रवींद्र डोंगरे यांनी 29 जूनला नरखेड पोलिस ठाण्याला तक्रार नोंदवून शेती ठेकेदार व त्यांच्या मुलांवर गोहत्या गुन्ह्याची नोंद करण्याची मागणी केली. त्यानुसार, मृत गाईंचे नरखेड पशुवैद्यकीय दवाखाण्यात डॉ. महेंद्र चव्हाण यांनी शव विच्छेदन केले. नमुने न्यायवैद्यक प्रयोगशाळेत पाठविल्याचे कळते. तक्रारीन्वये पोलिस शिपाई भुजंग बन्सोड यांनी शेती ठेकेदार व संबंधितांवर गुन्हा दाखल करून पुढील तपास सुरू आहे.