Small girl dies in an accident in Chandrapur 
विदर्भ

रात्री अंगणात खेळत होते चिमुकले, काळ बनून आली गाडी अन् कुटुंबीयांचा आक्रोश पाहून उपस्थितांच्या डोळ्यांत पाणी

संदीप रायपुरे

गोंडपिपरी (जि. चंद्रपूर) : रात्री जेवण झाल्यानंतर घराच्या अंगणात चिमुकले खेळत होते. अचानक रोडवरून चालणारा पिकअप अंगणात घुसला. या अनपेक्षित अपघातात सात वर्षीय चिमुकलीचा मृत्यू झाला. दुसरा बालक गंभीर जखमी झाला. तिसरी चिमुकली खड्ड्यात पडल्यान बालबाल बचावली. गावकऱ्याच्या काळजाचे पाणी हिरावणारी ही दुर्दैवी घटना गोंडपिपरी आष्टी मार्गावरील नवेगाव वाघाडे येथे शुक्रवारी रात्री साडेनऊ वाजताच्या सुमारास घडली. 

पोलिसांनी दिलेल्या माहितीनुसार, नवेगाव वाघाडे येथील पंढरी मेश्राम यांचे घर प्रमुख मार्गाला लागून आहे. त्यांची मुलगी अलस्या (७), अस्मित मेश्राम (१०), माही रामटेके (१२) ही बच्चेकंपनी रात्री जेवण झल्यानंतर अंगणात खेळत होते. यावेळी आष्टीवरून भरधाव येणाऱ्या पिकअप वाहन चालकाचे नियंत्रण सुटले. अन् मुख्य मार्गावरून पिकअप गाडी नालीवरून थेट मेश्राम यांच्या अंगणात घुसली.

गाडी थेट अलस्या हिला जाऊन धडकली. यात अलस्या व अस्मित गंभीर जखमी झाले. एका खड्ड्यात फेकल्या गेल्यान माही बालबाल बचावली. जखमींना गोंडपिपरीच्या ग्रामीण रुग्णालयात भरती केल्यानंतर अलस्यचा मृत्यू झाला. अस्मिताची गंभीर अवस्था बघता पुढील उपचारासाठी चंद्रपूरच्या रुग्णालयात दाखल करण्यात आले आहे. या घटनेनंतर गावकऱ्यांनी प्रचंड संताप व्यक्त केला. घटनेचा पुढील तपास ठाणेदार संदीप धोबे करीत आहेत. गावात घडलेल्या या दुर्दैवी घटनेन प्रचंड शोककळा पसरली आहे. 

मायबापाचे दुर्दैव्य

नवेगाव वाघाडे येथील पंढरी मेश्राम हा सामाजिक कार्यकर्ता. तहसील कार्यालयात अनेकांचे काम करून तो चांगलाच चर्चेत आला. पंढरीची पत्नी कॉन्व्हेंटमध्ये शिक्षिका म्हणून कार्यरत आहे. त्यांना अलस्या ही एकूलती एक मुलगी. आईसोबत ती कॉन्व्हेंमध्ये शिकायला जायची. काही वर्षांपासून पंढरीचे स्वास्थ बिघडले होते. कालच्या दुर्दैवी घटनेन एकुलती एक मुलगी गेल्यान त्यांच्यावर आभाळभर दुख पसरले आहे.

तिचे सुदैव...

मुख्य मार्गावरील नालीवरून पिकअप गाडी अंगणात घुसली. बाजूला असलेल्या शौचालयाला फोडून गाडी अंगणात खेळणाऱ्या चिमुकल्यांच्या अंगावर आली. काही समजण्याच्या पूर्वीच सारच संपलं. अशावेळी अलस्याची नातेवाईक माही शौचालयाच्या खड्ड्यात पडली अन् खड्ड्यावरून पिकअप समोर निघून गेला. यामुळ ती बालंबाल बचावली. 

कामावर नियंत्रण नाही

बामणी ते नवेगाव वाघाडे या नॅशनल हायवेच काम सुरू आहै. नवेगाव वाघाडेपर्यंत मार्गाचे व भूमिगत मोठ्या नालीचेही बांधकाम झालेले आहे. कामाच्या सिमेवर संबंधित कंत्राटदार कंपनीने दिशादर्शक फलक लावले नाही. हा मार्ग प्रचंड रहदारीचा आहे. अशावेळी सदर कामावर कुणाचेही नियंत्रण नसल्याचे समोर आले.

रस्त्यावरील पोलही झाला आडवा

भरधाव पिकअप गाडी मेश्राम यांच्या घरासमोरील भिंती, रस्त्यावरील खांबाला धडक देत उलटला. या धडकेत पिकअप व्हॅनने रस्त्यावरील पोलही आडवे केले. या घटनेमुळे परिसरात एकच गोंधळ उडाला. चिमुरडीच्या मृत्युमुळे कुटुंबीयांचा आक्रोश पाहून उपस्थिती लोकांच्या डोळ्यात पाणी आले. 

संपादन - नीलेश डाखोरे 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

बीडमध्ये चाललंय काय? जमिनीच्या वादातून माजी सरपंचाची दहशत; रक्तबंबाळ होईपर्यंत तरुणाला बेदम मारहाण, पोलिसांवर राजकीय दबाव?

Latest Marathi News Updates : पुण्यात पीएमपीच्या ब्रेकडाऊनमध्ये वाढ, एका महिन्यात २४०० घटना

Health Insurance Updated Rules: आता फक्त २ तास ॲडमिट होऊनही क्लेम करता येणार हेल्थ इन्शुरन्स! जाणून घ्या योजना

Sindhudurg : सोनाली गावडे मृत्यू प्रकरण, ‘ती’ दुसरी छत्री कोणाची? बांदा पोलिसांसमोर गूढ उकलण्याचे आव्हान

Eknath Shinde Delhi Visit : पावसाळी अधिवेशन सुरु असताना एकनाथ शिंदेंचं दिल्ली वारी, अमित शहांसह वरिष्ठ नेत्यांची घेतली भेट, नेमकी काय चर्चा झाली?

SCROLL FOR NEXT