अकोला : महाराष्ट्र आणि खड्डे हे समीकरण तसं जुनंच. या सरकारने चांगले रस्ते तयार केले नाहीत, म्हणून जनतेने दुसऱ्यांना संधी दिली. मात्र, त्यांनीही त्यांचीच री ओढण्याचे प्रकार काही कमी झालेले नाहीत. सत्तेतील भाजप-सेना सरकारनेही रस्त्यांच्या बाबतीत घेतलेली दखल रस्त्यांची परिस्थितीत भर टाकू शकली नाही.
पावसाळा आला की रस्त्यांवरील खड्ड्यांचे तळे झाल्याचे चित्र सर्वत्र दिसते. मात्र, तात्पुरती मलमपट्टी करून हे खड्डे बुजविण्याचे प्रकार सत्ताधारी करत असल्याने वंचित बहुजन आघाडीने एक आगळा वेगळा उपक्रमच या खड्ड्यांवर राबविला आहे.
अकोला महानगरातील रस्ते बांधनीचा दर्जा 50% आला असून सोशल ऑडिटला भाजपने केराची टोपली दाखवली आहे. त्यामुळे उर्वरित रस्त्यांची कामे दर्जाहीन सुरू असल्याच्या विरोधात 'वंचित बहुजन आघाडी' जिल्हा कार्यकारिणीने बुधवारी (ता.18) स्कायलार्क हॉटेल समोरील सिमेंट रस्त्यात पडलेल्या खड्ड्यांत 'कमळा'ची फुले लावून भाजपचा निषेध केला. यावेळी सोशल ऑडिटवर कारवाई करण्याचे तसेच रस्ते बांधकाम दर्जेदार करण्याची मागणीही केली.
जिल्हाध्यक्ष प्रमोद देंडवे यांच्या नेतृत्वात ह्या आंदोलनात यावेळी प्रदेश प्रवक्ते राजेंद्र पातोडे, दिनकर वाघ, प्रभाताई शिरसाट, सम्राट सुरवाडे, शोभाताई शेळके, सागर कढोणे, आकाश शिरसाट, साबिर भाई, जिल्हा प्रसिध्दी प्रमुख सचिन शिराळे यांची उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.