Rahul Gandhi: घाबरू नका, मी आज अदानीवर बोलणार नाही....पहिल्याच चेंडूवर राहुल गांधींचा सिक्सर

Rahul Gandhi: राहुल गांधी यांनी लोकसभेत अविश्वास प्रस्तावावर बोलायला सुरुवात केली आहे. ते म्हणाले, गेल्या वेळी जेव्हा मी अदानीजींवर बोललो तेव्हा लोकांना त्रास सहन करावा लागला होता. राहुल गांधी टोमणे मारत म्हणाले, 'मी आज अदानींवर बोलणार नाही. त्यामुळे भाजप नेत्यांनी घाबरण्याची गरज नाही. आज मी मनापासून बोलणार आहे.

राहुल गांधी पुढे म्हणाले की, मी काश्मिरपासून कन्याकुमारीपर्यत गेलो. मी मोठी यात्रा केली. मला भारताला पाहायचे होते. लोकांमध्ये मला जायचे होते. त्यांना समजून घ्यायचे होते.

काही गोष्टी मला समजल्या. ज्या गोष्टीचं मला प्रेम होतं ज्या गोष्टीसाठी मी मरायलाही तयार होतो, ज्या गोष्टींसाठी दहा वर्षे शिव्याही खाल्ल्या ती गोष्ट मला समजून घ्यायची होती.

मी गेल्या काही वर्षांपासून दहा ते बारा किलोमीटर चालतो आहे. मी हे सगळं का केलं याचा विचार करतो आहे. माझ्या मनात अहंकार होता. मात्र भारत अहंकाराला संपवण्याचे काम करतो. दोन ते तीन दिवसांनी माझ्या गुडघ्यांमध्ये त्रास होण्यास सुरुवात झाली. माझे जुने दुखणे पुन्हा वाढले.

लोकसभेत आज सलग दुसऱ्या दिवशी अविश्वास प्रस्तावावर चर्चा होत आहे. काँग्रेस नेते राहुल गांधी आज सभागृहात याबाबत बोलत आहेत. केंद्रीय गृहमंत्री अमित शहा आज दुपारी 4 वाजता सभागृहात काँग्रेसला उत्तर देणार असल्याचे सांगण्यात आले.