शिंदे १८ तास काम करणारे मुख्यमंत्री; अब्दुल सत्तार यांचा उद्धव ठाकरेंना टोला | Eknath Shinde is 18 hour working CM says Abdul Sattar | Sakal
sakal

बोलून बातमी शोधा

Eknath Shinde, Abdul Sattar and Uddhav Thackeray

शिंदे १८ तास काम करणारे मुख्यमंत्री; अब्दुल सत्तार यांचा उद्धव ठाकरेंना टोला

मुंबई - संपूर्ण देशाचं लक्ष असलेल्या राष्ट्रपतीपदाची निवडणूक पुढील काही दिवसात होऊ घातली आहे. या निवडणुकीसाठी भाजपने अत्यंत शिस्तबद्ध नियोजन केलं आहे. एनडीएच्या राष्ट्रपती पदाच्या उमेदावर द्रौपदी मुर्मू आज महाराष्ट्रात असून त्या मुंबईत शिंदे गटाच्या आमदारांना भेटणार आहेत. शिंदे गटाचे सर्व आमदार मुंबईतील एका हॉटेलमध्ये असून तिथेच मुर्मू त्यांची भेट घेणार आहेत. यावेळी हॉटेलमध्ये शिंदे गटातील आमदार अब्दुल सत्तार यांनी माध्यमांशी संवाद साधला. (Abdul Sattar News in Marathi)

हेही वाचा: 'यामुळे' उद्धव ठाकरेंना एनडीएच्या बैठकीचं आमंत्रण नाही; केसरकरांचं स्पष्टीकरण

अब्दुल सत्तार यांनी द्रौपदी मुर्मू मातोश्रीवर जाणार, अशी शक्यता व्यक्त केली. त्याचवेळी त्यांच्या पक्षाच्या नियोजनानुसारच सर्वकाही होईल, असंही त्यांनी नमूद केलं. यावेळी शिंदे यांनी आधीचे मुख्यमंत्री आणि शिवसेना पक्षप्रमुख उद्धव ठाकरे यांना टोला लगावला आहे. सत्तार म्हणाले की, युती केल्याचे अनेक फायदे असून आम्हाला १८ तास काम करणारे मुख्यमंत्री लाभले आहेत. अनेक आमदारांचे मुख्यमंत्र्यांच्या माध्यमातून जे कामं अपेक्षित होती, ती उद्धव ठाकरे यांच्याकडून राहिले होते. तेच कामं आता एकनाथ शिंदे पूर्ण करत असल्याची टोला सत्तार यांनी लगावला.

हेही वाचा: मी २४ तास जनतेसाठी काम करणारा मुख्यमंत्री - एकनाथ शिंदे

ते पुढं म्हणाले की, एकनाथ शिंदे राज्यातील प्रमुख नेत्यांपैकी एक आहे. शिवसेनेचे अनेक खासदार त्यांच्या संपर्कात आहेत. प्रतीक्षा करा, सगळ स्पष्ट होईल. शिंदे समुद्रात शांत बसले आहेत. ज्याप्रकारे नद्या समुद्रात येऊन मिळतात, तसेच छोटे-मोठे नेते शिंदेंना येऊन मिळतील, असा दावा सत्तार यांनी केला. यावेळी त्यांनी १९ आणि २० तारखेला मंत्र्यांचा शपथविधी होईल, असंही सांगितलं.

Web Title: Eknath Shinde Is 18 Hour Working Cm Says Abdul Sattar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..