कोरोनाच्या महासाथीमुळे आपला सलून अनुभव कशाप्रकारे बदलेल?

मुंबई- कोरोना विषाणू महामारीमुळे लागू करण्यात आलेल्या टाळेबंदीचा परिणाम हा सर्व प्रकारच्या उद्योदधंद्यांवर पडला आहे. यातून स्थानिक उद्योग किंला स्थापित उद्योग असे दोन्हीही वाचू शकले नाहीत. मात्र आता, आरोग्य आणि सामाजिक अंतराचं पालन करत सर्व व्यवहार, उद्योगधंदे हळूहळू सुरळीत होत आहेत. 

टाळेबंदीच्या काळात सलून व्यवसाय आणि ब्यूटी पार्लर व्यवसायाला सर्वाधिक झळ बसली आहे. कारण संपूर्ण टाळेबंदीच्या काळात सलून किंवा ब्यूटी पार्लर पूर्णपणे बंद होते. शिवाय टाळेबंदी आता हळूहळू शिथिल होत असली तरी सलून व्यवसाय पुन्हा सुरळीतपणे सुरु करणे आव्हानच ठरणार आहे. कारण सलून किंवा ब्यूटी पार्लरमध्ये ग्राहकांचा व्यावसायिकाशी शेट संबंध येत असतो. कटींग, मसाज किंवा स्पा सेवा दुरवरुन देणे शक्यच नाही. त्यामुळे सरकारने दिलेल्या नियमांनुसार ग्राहकांना सेवा देणे व्यावसायिकांसाठी कठीण आहे. 

अमेरिकेत कोरोनाबाबत व्हाईट हाऊसचा नवा दावा

सलून आणि ब्यूटी पार्लर व्यवसाय कठीण परिस्थितीतून जात असला तर व्यावसायिकांनी नव्या पद्धतीचा अवलंब करण्यास सुरुवात केली आहे. 
मनाली टेलेकर या मुंबईत ब्युटी सलूनचा व्यवसाय चालवतात. त्यांनी सलूनमध्ये सुरक्षा आणि आरोग्य ठेवण्याच्या दृष्टीने आपल्या कार्यपद्धतीत आमुलाग्र बदल केले आहेत. त्यांनी फक्त पूर्वभेटीची वेळ घेतलेल्या ग्राहकांनाच सेवा देण्याचे ठरवले आहे. तसेच थेटपणे चालून येणाऱ्या ग्राहकांना सलूनमध्ये मज्जाव करण्यात येणार आहे.

दिल्ली, महाराष्ट्र आणि तामिळनाडुत लॉकडाऊन वाढणार? राज्य सरकारकने दिली माहिती

ग्राहकांना पूर्वीच भेट घेण्याची वेळ दिली जाईल. त्यामुळे सलूनमध्ये जास्तीची गर्दी होणार नाही. याने सामाजिक अंतराचे नियमही पाळले जातील. सलूनच्या दरवाज्याजवळ हॅन्ड सॅनिटायझर ठेवण्यात येईल. पुढची पायरी म्हणून आम्ही प्रत्येक ग्राहकाच्या शरीराचे तापमान मोजणार आहोत. आमचा प्रत्येक कर्मचारी पीपीई कीट वापरेल. तसेच तोंडावर मास्क लावेल, असं मनाली यांनी सांगितलं आहे.

पुणेकरांनो घाबरू नका; कोरोनाबाबत आहे ही गुड न्यूज!

खुर्ची, टेबल किंवा इतर साहित्य प्रत्येक दोन तासानंतर निर्जंतुक केले जातील. तसेच नवीन ग्राहकाला सेवा देण्यापूर्वी प्रत्येक कर्मचारी हात साबणाने धुवेल. तसेच प्रत्येकवेळी नवीन हातमोज्यांचा वापर केला जाईल. जेणेकरुन संसर्गाचा धोका कमी होतो, असंही त्या म्हणाल्या आहेत.

कोरोनाच्या रुग्णावर पहिली यशस्वी शस्त्रक्रिया, भारतीय वंशाच्या डॉक्टरने बजावली प्रमुख भूमिका

मनाली यांनी ग्राहकांकडूनही काही अपेक्षा ठेवल्या आहेत. प्रत्येक ग्राहकाने तोंडाला मास्क लावावा असं त्या म्हणतात. शिवाय सलूनला येताना आधार कार्ड किंवा अन्य ओळख पत्र जवळ बाळगावं जेणेकरुन नोंदणी ठेवणे शक्य होते, असं त्या म्हणाल्या आहेत. सर्दी, ताप, खोकला असणाऱ्या ग्राहकांनी सलूनला येणं टाळावं असा सल्ला त्यांनी दिला आहे.

कोरोनाच्या संकटातही सुरक्षित 10 देशांची यादी जाहीर; जाणून घ्या भारत कितव्या स्थानी

दरम्यान, सलून किंवा ब्यूटी पार्लर व्यवसाय सुरु करण्यासाठी सरकारने विशेष असे काही नियम तयार केलेले नाहीत. राज्यातील काही भागात सलून किंवा ब्यूटी पार्लर व्यवसाय सुरु करण्यात आला आहे. मात्र, भीतीपोटी अनेक लोक सलूनमध्ये जाण्याचं टाळत असल्याचं निदर्शनास येत आहे.