Raavrambha Teaser: आधी स्वराज्य मग आपला संसार..., ओम भुतकरचा ऐतिहासिक प्रेमपट 'रावरंभा'चा टिझर भेटीला

Raavrambha Teaser News: ऐतिहासिक सिनेमा म्हटलं कि डोळ्यासमोर येते ती भव्यदिव्य लढाई आणि मावळ्यांचा पराक्रम. पण मराठी मनोरंजन विश्वात प्रथमच एक ऐतिहासीक प्रेमकहाणी प्रेक्षकांना पाहायला मिळणार आहे. हि कहाणी म्हणजे रावरंभा.

इतिहासाच्या पानांमध्ये दडलेली प्रेमकथा मराठी रुपेरी पडद्यावर येण्यासाठी सज्ज झाली आहे. रावरंभा सिनेमाचा टिझर प्रेक्षकांच्या भेटीला आलाय.

(raavrambha marathi movie teaser out starring om bhutkar, monalisa bagal, shantanu moghe)

‘मुळशी पॅटर्न’मधून आपल्या दमदार अभिनयाने प्रेक्षकांची मने जिंकणारा अभिनेता ओम भूतकर आणि सौंदर्यासोबत अभिनयाचा सुरेख मिलाफ असलेली गुणी अभिनेत्री मोनालिसा बागल ‘रावरंभा’ चित्रपटातून जोडीच्या रूपाने समोर येणार आहेत.

टिझरमध्ये राव आणि रंभा यांची आणखी प्रेमकहाणी बघायला मिळतेय. "आधी स्वराज्य मग आपला संसार...", मावळ्याचं पहिलं लग्न तलवारीशी अशा दमदार संवादांनी रावरंभाचा टिझर शानदार झालाय.

‘मुळशी पॅटर्न’मधून आपल्या दमदार अभिनयाने प्रेक्षकांची मने जिंकणारा अभिनेता ओम भूतकर आणि सौंदर्यासोबत अभिनयाचा सुरेख मिलाफ असलेली गुणी अभिनेत्री मोनालिसा बागल ‘रावरंभा’ चित्रपटातून जोडीच्या रूपाने समोर येणार आहेत.

आसमंतात फडकणाऱ्या भगव्या झेंड्याच्या पार्श्वभूमीवर एकमेंकांसोबत दिसणारे ‘राव’ आणि ‘रंभा’, त्यासोबत बेभान होऊन दौडणारे घोडेस्वार दिसताहेत.

इतिहासाच्या पानांमध्ये ‘रावरंभा’ ही सह्याद्रीच्या कड्याकपाऱ्यांतील एक दुर्लक्षित पण अनोखी प्रेमकहाणी दडली आहे. ही प्रेमकथा नुसतीच प्रेमकथा नाही तर तिला वास्तवाचे भरजरी कोंदण आहे.

चित्रपटात छत्रपतींच्या भूमिकेत शंतनू मोघे तर प्रतापराव गुजर यांच्या भूमिकेत अशोक समर्थ दिसणार आहेत.

शशिकांत पवार प्रोडक्शन अंतर्गत येणाऱ्या ‘रावरंभा’ चित्रपटाची पटकथा आणि संवाद प्रताप गंगावणे यांचे आहेत. छायांकन संजय जाधव तर संकलन फैजल महाडिक यांचे आहे.

सहनिर्माते अजित भोसले आणि संजय जगदाळे आहेत तर कार्यकारी निर्माते महेश भारांबे, अन्वय नायकोडी आहेत.

येत्या १२ मे ला ‘रावरंभा’ इतिहासातील हे ‘मोरपंखी पान’ पडद्यावर रसिकांसमोर उलगडणार आहे.

निर्माते निर्माते-शशिकांत शीला भाऊसाहेब पवार आणि दिग्दर्शक अनुप जगदाळे ही प्रेमकहाणी प्रेक्षकांसमोर आणणार आहेत.