रणबीर-आलियाच्या लग्नात जेवणातून 'नॉनव्हेज' आऊट? चक्क 25 काऊंटर 'वेगन'

बॉलीवूडचं सर्वात मोठं आणि चर्चेत राहणारं लग्न आता लवकरच होणार आहे. बॅंड,बाजा,बारात आता दूर नाही. बी-टाऊनच्या या लग्नातल्या छोट्या-छोट्या गोष्टीसुद्धा हळूहळू लीक झाल्या. कपूर-भट्ट फॅमिलीने चुप्पी साधली असली तरी मीडियाच्या माध्यमातून रणबीर(Ranbir Kapoor)-आलियाच्या(Alia Bhatt) चाहत्यांपर्यंत लग्नापासून-हनिमून डेस्टिनेशन पर्यंतच्या सगळ्या गोष्टी पोहोचल्या आहेत. येत्या आठवड्यात रणबीर-आलियाच्या लग्नाचा बार उडणार आहे. आलियाचे काका रॉबिन भट्ट यांनी कन्फर्म केलंय की हा विवाहसोहळा १४ एप्रिलपासून पुढे चार दिवस रंगणार आहे. रणबीरनं तर त्याच्या राहत्या इमारतीमधील एक हॉल चक्क ८ दिवसांसाठी बूक केला आहे. आणि तिथं लग्नाच्या तयारीलाही सुरुवात झाली आहे. आलियाच्या काकांनी लग्नाविषयी कन्फर्मेश दिलं असताना रणबीरची आई नीतू कपूर(Neetu Kapoor) मात्र याविषयी काहीच बोलायाला तयार नाहीत.

पण मीडिया मागे हटणाऱ्यातील थोडीच आहे. आता चक्क लग्नातील मेन्यूच्या डिटेल्सही लीक झाल्या आहेत. कपूर खानादन खूप फूडी आहे हे काही नवीन नाही. खाण्याचे शौकीन असलेल्या कपूरांच्या लग्नात म्हणूनच विविध पदार्थांची जंगी मेजवानी असणार यात शंकाच नाही. कळतंय की नीतू कपूर यांनी लग्नासाठी खास दिल्ली,लखनौहून शेफ बोलावलेयत. भारतीय आणि परदेशी जेवणाची रेलचेल या लग्नात पहायला मिळणार आहे, लग्नात दिल्लीच्या प्रसिद्ध चॅटचा वेगळा काऊंटर असेल. पण आलिया शाकाहरी आहे त्यामुळे तब्बल २५ काऊंटर हे शाकाहारी पदार्थांचे असणार आहेत.

नुकतचं आलिया जिथे राहते त्या घराला पाच-सहा जणं डेकोरेट करताना दिसलेयत. खरंतर आलियाचे ते घर रणबीरच्या इमारतीच्या जवळच्याच इमारतीत आहे. झगमगत्या लाइट्स आणि फुलांची सजावट आलियाच्या घराला केलेली दिसून आली. आलियाच्या घरातनं गेल्या दोन दिवसात काही व्यक्तिंना अनेक गोष्टींची ने-आण करताना पाहिलं गेलं. हे सगळं खूप शांत पद्धतीनं केलं जातंय,लग्नाच्या घरात असतो तसा आवाज,गोंधळ न करता सारं पार पाडलं जात आहे. हे सगळं असलं तरी चर्चा सुरु झालीय ती पक्के मांसाहरी असलेल्या कपूराच्या लग्नात लागणाऱ्या २५ शाकांहारी पदार्थांच्या काऊंटरची.