फायनान्स कंपनीच्या जाचाला कंटाळून शेतकऱ्याची आत्महत्या

अकोला : खासगी फायनान्स कंपनीच्या कर्मचाऱ्यांच्या जाचाला कंटाळून निंभोरा येथील अल्पभूधारक शेतकरी किशोर ताथोड यांनी विष पिऊन करून रविवारी (ता. ३०) रात्री आत्महत्या केली. सुरुवातीला पोलिसांनी आकस्मिक मृत्यूची नोंद घेतली होती. नंतर मृताच्या पत्नीच्या फिर्यादीवरून पोलिसांनी अस्पायर व विस्तार फायनान्स कंपनीच्या कर्मचाऱ्यांविरोधात आत्महत्येस प्रवृत्त केल्याप्रकरणी गुन्हा दाखल केला.

निंभोरा येथील अल्पभूधारक शेतकरी किशोर ताथोड यांनी घर बांधकामासाठी तसेच किराणा दुकानासाठी विस्तार फायनान्स व अस्पायर फायनान्स कंपनीकडून दोन लाख रुपयांचे कर्ज घेतले होते. कर्जाची परतफेड करीत असताना २० हजार रुपये थकीत होते. तीन महिन्यांचा हप्ता राहीला होता. येत्या आठ दिवसांत रक्कम पूर्णपणे परतफेड करण्याचे वचन किशोर ताथोड यांनी अस्पायर कंपनीचा कर्मचारी नागेश शिरसाट, अनिल गाठे व विस्तार कंपनीचा कर्मचारी सोनटक्के व त्याचा मित्र यांना दिले होते. तरीही या चौघांकडून त्यांना थकीत कर्ज भरण्यासाठी सतत त्रास दिल्या जात होता.

संशयित आरोपींनी किशोर ताथोड यांच्या घरी रविवारी ते घरी नसताना जाऊन त्यांच्या पत्नीस शिवीगाळ केली. यावेळी त्यांचा शिवम ताथोड (११) हाही घरी होता. वडील घरी आल्यानंतर त्याने या संदर्भात संपूर्ण संभाषण व आईसोबत केलेल्या व्यवहाराबद्दल त्यांच्याकडे कथन केले. यामुळे वैतागलेल्या श्री. ताथोड हे रात्री आठ वाजता किरणा सामान घेऊन येतो, असे सांगून घराबाहेर पडले. थोड्यावेळाने ते घरी परत आले. पत्नी व मुलगा झोपल्यावर ते विष प्यायले. त्यांच्या पत्नीला रात्री जाग आली आणि पती घरात नसल्याचे त्यांनी पाहिले. त्यांचा शोध घेण्यासाठी त्या घराबाहेर पडल्या. घराच्या समोरील अंगणात पती खाली बेशुद्धावस्थेत पडलेले दिसले. त्यांनी आरडाओरड केल्यावर गावकऱ्यांनी त्यांना रुग्णालयात उपचारासाठी नेले. वैद्यकीय अधिकाऱ्यांनी त्यांना मृत घोषीत केले. अकोट फैल पोलिस स्टेशनला सविता ताथोड यांनी फिर्याद दाखल केली. पोलिसांनी सुरुवातीला आकस्मिक मृत्यूची नोंद घेतली. परंतु, प्रकरण गंभीर असल्याचे पाहुण त्यांनी त्यांच्या फिर्यादीवरून खासगी फायनान्स कंपनीच्या कर्मचाऱ्यांविरोधात आत्महत्येस प्रवृत्त केले म्हणून गुन्हा नोंदविला.

ई सकाळवरील ताज्या बातम्यांसाठी क्लिक करा:

• मुंबई विद्यापीठाच्या कारभाराला कंटाळून संचालकांची स्वेच्छानिवृत्ती
• भाषिक हुकूमशाही... दुसऱ्या भाषेचा द्वेष करणे आवश्‍यक आहे?
• बाबासाहेबांना पोलिस संरक्षणात फिरावे लागते, हे दुर्दैवी: राज ठाकरे
• कोयना धरण क्षेत्रात पावसाचा जोर ओसरला
• मोदींची 'पाठशाला' नि 'मौन की बात'
• जळगाव : गिरणा धरणात 51 टक्के साठा​
• मुंबई विद्यापीठाचे १५३ निकाल जाहिर, ९० टक्के मुल्यांकन पूर्ण​
• उस्ताद सईदुद्दीन डागर यांचे निधन​
• मेट्रोचे काम सुरू आहे- तिकडे अन्‌ इकडेही​
• किल्ले रायगडच्या संवर्धनासाठी प्राधिकरण​
• समुद्रात 3500 कोटींचे हेरॉईन जप्त​
• शरद पवार, गणपतराव देशमुख यांच्या अभिनंदनाचा प्रस्ताव मांडणार​
• रेल्वे कर्मचाऱ्याचा मुलगा झाला ‘आयएएस’​