कल्याण: पावसाळ्यापूर्वी दरवर्षी 31 मे पूर्वी पालिका प्रशासन छोटे मोठे गटार आणि नाले सफाई करते. मात्र, यावर्षी ही काम जून महिन्याच्या पहिल्या आठवड्यात सुरु झाले यामुळे काही तासात पडलेल्या पावसात पालिकेच्या कामांचा पोलखोल झाला. अनेक ठिकाणी पावसाचे पाणी जाण्यासाठी साठलेला कचरयामुळे अडथळा निर्माण झाला, यामुळे अनेक ठिकाणी नागरिकाचे नुकसान झाले. नागरिकांना नुकसान भरपाई द्यावी, याला जबाबदार पालिका अधिकारी वर्गावर कारवाई करत संबधित ठेकेदाराचे बिल अदा करु नये, अशी मागणी कल्याण पूर्व विधानसभा मतदार संघाचे आमदार गणपत गायकवाड़ यांनी केली आहे.
कल्याण-डोंबिवली महानगर पालिका हद्दित 27 गाव सहित 89 नाले आहेत. याचा खर्च अपेक्षित 3 कोटी 35 लाख रुपये असून, गटारसाठी सुमारे 2 कोटी 34 लाख रुपये खर्च आहे. पावसाळ्यापूर्वी नालेसफाई 80 टक्के पूर्ण झाल्याचा दावा पालिका प्रशासनने केला आहे. 31 मे पूर्वी दरवर्षी पालिका हद्दीत नाले सफाई करते. मात्र, जून महिन्याच्या आठवड्यात कामाला सुरुवात झाल्याने ही काम अर्धवट राहिली. अनेक ठिकाणी नाल्याच्या कचरा रस्त्यावर आणि नाले शेजारी ठेकेदाराने टाकल्याने घाणीचे साम्रज्य निर्माण झालेच. शनिवार (ता. 24) पासुन सुरु झालेल्या काही तासाच्या पावसात कल्याण पूर्व मधील पूनालिंक रोड, हाजी मलंग रोडच्या आजू बाजुच्या परिसर आणि नाले शेजारील नागरिकांच्या घरात पाणी शिरल्याने अनेकांच्या घरातील सामानाची नुकसान झाले. नुकसानीची भरपाई पालिकेने द्यावी, याला जबाबदार अधिकारी वर्गावर कारवाई करत संबधित ठेकेदाराचे बिल देऊ नये, अशी मागणी आमदार गणपत गायकवाड यांनी केली आहे.
या घाणीच्या साम्राज्यमुळे नागरिकांचे आरोग्य धोक्यात आली असून, साथ रोग परिस्थिती निर्माण झाल्यास पालिका प्रशासन असल्याचे मत आमदार गायकवाड़ यांनी व्यक्त केले आहे. यामुळे पालिका प्रशासन काय कारवाई करते याकडे लक्ष्य लागले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.