Investment In FD :  गुंतवणुकीचे अनेक पर्याय असताना भारतीयांनी मात्र एफडीवरच भरवसा  दाखविला आहे. मुदत ठेवीवरच भारतीय का विश्वास दाखवत आहेत, याची माहिती एका अहवालात उघड करण्यात आली आहे. शेअर बाजारात सातत्याने चढउतार होत असल्याने भारतीयांनी एफडीमध्ये गुंतवणूक वाढवली आहे. याविषयी सर्वेक्षण करण्यात आले. त्यात 44% टक्क्यांहून अधिक लोकांनी मुदत ठेवीत गुंतवणूक केल्याची माहिती दिली.

तुम्हीही FD काढण्याची तयारी करत असाल ही तुमच्या कामाची बातमी आहे. भारतीय रिझर्व्ह बँकेच्या पतधोरणाचा आढावा घेऊन काही दिवसापूर्वीच रेपो दर जाहीर केले आहेत.

एमपीसीने रेपो दर 6.50 टक्क्यांवर कायम ठेवला आहे. एमपीसी सदस्यांनी एकमताने हा निर्णय घेतला आहे. रिझर्व्ह बँकेचे गव्हर्नर शक्तीकांत दास यांनी गुरुवारी (6 एप्रिल) आर्थिक वर्ष 2024 साठी पहिले पतधोरण जाहीर केले. RBI गव्हर्नरने रेपो दरात कोणताही बदल केलेला नाही. रेपो दर 6.50 टक्क्यांवर कायम ठेवण्यात आला आहे. याआधी आरबीआयने सलग सहा वेळा रेपो दरात वाढ केली होती.

दुसरीकडे, जर आर्थिक पुनरावलोकनानंतर रेपो दरात वाढ झाली, तर तुम्ही वाढीव दराने एफडी मिळवून तुमच्या गुंतवणुकीवर अधिक परतावा मिळवू शकाल. आता वाट पाहणे योग्य ठरेल, असे तज्ज्ञांचे म्हणणे आहे. रेपो दरात वाढ होण्याची शक्यता आहे.

FD करताना काय तपासावे

बँकिंग क्षेत्रातील तज्ज्ञांचे म्हणणे आहे की एफडीवर अधिक व्याज मिळविण्यासाठी, बँकांनी देऊ केलेल्या व्याजदराची तुलना करा. योग्य कार्यकाळ निवडून तुम्ही अधिक व्याज मिळवू शकता. तुम्हाला सरकारी बँकांपेक्षा खाजगी बँकांमध्ये जास्त व्याज मिळू शकते. यासोबतच तुम्हाला एफडीवर अधिक व्याज हवे असल्यास ऑटो-रिन्यूअल पर्याय टाळा.

बँका सामान्यत: मुदत ठेवींमध्ये गुंतवणूक करणाऱ्या ग्राहकांना स्वयं-नूतनीकरण पर्याय देतात. जर एखाद्या ग्राहकाने स्वयं-नूतनीकरण पर्याय निवडला, तर बँक त्याच कालावधीसाठी मुदत ठेवींचे परिपक्वतेच्या वेळी प्रचलित व्याजदरासह स्वयंचलितपणे नूतनीकरण करते. यामुळे तुम्हाला जास्त व्याज मिळत नाही.

आरबीआय एप्रिलमध्ये रेपो दर 25 bps ने वाढवून 6.75 टक्के करेल. याचे कारण म्हणजे युरोपियन सेंट्रल बँक आणि यूएस फेडरल रिझर्व्हने मार्चमध्ये अनुक्रमे 50 bps आणि 25 bps ने दर वाढवले. त्याच वेळी, भारतातील किरकोळ महागाई 6 टक्क्यांच्या मर्यादेपेक्षा जास्त आहे. यावर नियंत्रण ठेवण्यासाठी आरबीआय रेपो दरात वाढ करणार आहे. त्याच्या खरेदी बँक कर्जावरील व्याज वाढेल.

सुरक्षा आणि चांगला परतावा मिळत असल्याने अनेक जण शेअर बाजार अथवा इतर पर्याय सोडून एफडीत गुंतवणूक करत असल्याचे उघड झाले. शेअर बाजारात बुडण्याच्या भीतीनेही अनेकांनी एफडीचा मार्ग स्वीकारल्याचे सर्वेक्षणात समोर आले आहे.

गुंतवणूकदारांचा मोठा वर्ग सध्याच्या महागाईच्या काळात जोखीम घेण्याचे टाळत असल्याचे समोर आले आहे. ग्राहकांना आकर्षित करण्यासाठी, FD वर अधिक व्याज देईल. या संधीचा फायदा घेऊन तुम्ही अधिक परतावा मिळवू शकाल.

FD वरच विश्वास का?

2017 मध्ये सेबीने केलेल्या सर्वेक्षणानुसार भारतातील 95% अधिक कुटुंबियांनी त्यांचा निधी शेअर बाजाराऐवजी मुदत ठेवीत ठेवणे पसंत केल्याचे सांगितले. तर केवळ 10% कुटुंबियांनी गुंतवणुकीसाठी शेअर बाजार आणि म्युच्युअल फंडला प्राथमिकता दिली.

भारतीय रिझर्व्ह बँकेने (RBI) याविषयीचा आकडा दिला आहे. त्यानुसार, मार्च 2022 मध्ये बँकांच्या मुदत ठेव योजनेत 2,242.775 अब्ज अमेरिकन डॉलर पेक्षाही जास्त गुंतवणूक करण्यात आली होती. पाचपैकी एका भारतीयाचा एफडीवर विश्वास आहे. 12% गुंतवणूकदारांनी एफडीतील गुंतवणुकीला प्राथमिकता दिली आहे.