आज सकाळपासून शेअर बाजारात अस्थिरता दिसून येत होती. आज सेन्सेक्स 280 अंकानी घसरत 54,100 वर बंद झाला तर निफ्टी 72 अंकानी घसरुन 16,167 वर बंद झाली. शेअर बाजारात घसरणीचे सत्र मागील आठवड्यापासून सुरु आहे.

आज सुरवातीच्या सत्रात सेन्सेक्स 75.91अकांनी खाली घसरला होता तर निफ्टीने 16,230 वर सुरवात केली होती. शेअर बाजारात गेल्या दोन दिवसापासून अस्थिरता कायम आहे.

मंगळवारीही शेअर बाजार घसरणीसह अर्थात लाल चिन्हात बंद झाला. संमिश्र जागतिक संकेतांमुळे एफएमसीजी आणि बँक वगळता सर्व सेक्टर्समध्ये विक्री दिसून आली. शेवटी, सेन्सेक्स 105.82 अंकांनी अर्थात 0.19 टक्क्यांनी घसरून 54,364.85 वर बंद झाला. दुसरीकडे, निफ्टी 61.80 अंकांनी अर्थात 0.38 टक्क्यांनी घसरून 16,240.05 वर बंद झाला. (Share Market Todays Updates)

आरबीआयने व्याजदरात अचानक वाढ केल्यानंतर मागील आठवड्यापासून सेन्सेक्स-निफ्टीमध्ये मोठी घसरण झाली. दरम्यान, यूएस फेडने व्याजदरात 0.50 टक्के वाढ जाहीर केल्यानंतर जागतिक बाजाराला काहीसा दिलासा मिळाल्याचे दिसत आहे. मात्र मागील आठवड्याच्या शेवटच्या काही दिवसापासून शेअर बाजारात पडझड दिसून येत आहे.