जम्मू - अमरनाथ यात्रेदरम्यान अनंतनागमध्ये दहशतवाद्यांनी लक्ष्य बनविलेल्या बसचा चालक सलीम शेख बसमधील सुमारे 50 भाविकांचा जीव वाचविल्याने हिरो ठरला आहे. मात्र, सात जणांचा जीव वाचवू न शकल्याची खंत त्याला आहे. 

अनंतनाग जिल्ह्यातील बांटिगू भागात अमरनाथ यात्रेवर सोमवारी रात्री दहशतवाद्यांनी केलेल्या हल्ल्यात सात यात्रेकरू ठार झाले. यात पाच महिलांचा समावेश आहे. या हल्ल्यात किमान 14 जण जखमी झाले. दहशतवाद्यांनी लक्ष्य केलेली बस गुजरातमधील वलसाड येथील ओम ट्रॅव्हल्स कंपनीची होती. चालक सलीम शेख अमरनाथ येथून भाविकांना घेऊन कटराकडे जात होता. त्याचवेळी दहशतवाद्यांनी हल्ला केला.

सुरक्षा रक्षक आणि दहशतवाद्यांमध्ये सुरु असलेल्या गोळीबाराचा आवाज ऐकून बसमध्ये गोंधळ उडाला होता. मात्र, त्या परिस्थितीतही सलीमने धाडस दाखवत बस न थांबविता वेगात नेली. बस थांबविली असती तर दहशतवाद्यांना बसमधील प्रवाशांना लक्ष्य करणे सोपे झाले असते. दहशतवाद्यांची एक गोळी बसच्या टायरला लागली तरीही सलीमने बस न थांबवता तशीच पळवत लष्कराच्या कॅम्पपर्यंत नेली. सलीमने आपला जीव धोक्यात बसमधील सर्व प्रवाशांचा जीव वाचविला. त्यामुळे सलीमच्या धाडसाचे कौतुक करण्यात येत आहे.

जम्मू काश्मीरचे पोलिस महानिरीक्षक मुनीर खान यांनी दहशतवाद्यांचे लक्ष्य बसमधील प्रवासी नसून, सुरक्षा रक्षक असल्याचे म्हटले आहे. सुरक्षेबाबत काही अंशी ढीलाई झाल्याचे त्यांनी मान्य केले आहे. 

ई सकाळवरील महत्त्वाच्या बातम्या वाचण्यासाठी क्लिक करा :

• हल्ल्यानंतरही 'बम बम भोले'च्या गजरात भाविक यात्रेसाठी रवाना
• अमरनाथ यात्रेवरील हल्ला मुस्लिम व काश्मिरींवर कलंक: मुफ्ती
• अमरनाथ हल्ला; मृतांमध्ये महाराष्ट्रातील दोन महिला
• अमरनाथ यात्रेवर दहशतवादी हल्ला, 7 ठार
• या हल्ल्याचा तीव्रपणे निषेध करावा : नरेंद्र मोदी
• ज्येष्ठ व्यंगचित्रकार मंगेश तेंडुलकर यांचे निधन​
• तळेगाव 'MIDC'तील चौथ्या टप्प्याला ग्रामस्थांचा तीव्र विरोध
• राहुल यांचे 'टायमिंग' संशयास्पद : चिनी राजदूतांच्या भेटीवरून भाजपचा हल्लाबोल
• मुकेश अंबानींच्या "ऍण्टिलिया'ला आग​