छत्तीसगडच्या रायपूर येथील धर्मसंसदेत महात्मा गांधींबाबत अपशब्द वापरणाऱ्या कालीचरण महाराजला (Kalicharan Maharaj) आज जामीन मिळाले. जवळपास तीन महिन्यानंतर बिलासपूर उच्च न्यायालयाने जामीन मंजूर केले. न्यायामूर्ती अरविंदसिंह चंदेल यांच्या समोर या प्रकरणी सुनावणी झाली. या दरम्यान दोन्ही पक्षकारांच्या वकिलांनी आपापले म्हणणे मांडले. सरकारी वकिलाने जामीनाला विरोध केला. ते म्हणाले, कालीचरण महाराजला त्यांनी केलेल्या कृत्याचे पश्चाताप नाही. (Bilaspur High Court Grant Bail To Kalicharan Maharaj)

त्यामुळे ते तुरुंगाच्या बाहेर आल्यानंतरही पुन्हा द्वेष पसरवू शकतात. दुसरीकडे महाराजाच्या वकिलाने जामीन मिळावी याबाबत बाजू मांडली. ते म्हणाले, कालीचरण महाराज जवळपास तीन महिन्यांपासून तुरुंगात आहेत. त्यामुळे त्यांना जामीन मिळायला हवे. तीन महिन्यांपूर्वी कालीचरण महाराजने रायपूरच्या धर्म संसदेत राष्ट्रपिता महात्मा गांधींविषयी (Mahatma Gandhi) अपशब्द वापरले होते. त्याचा एक व्हिडिओ व्हायरल झाला होता.