बरेली (उत्तर प्रदेश): प्रेयसीसोबत मोठ्या धुमधडाक्यात विवाह केला. विवाहानंतर घरी निघालेले नवविवाहित दांपत्य एका हॉटेलवर थांबले. नवरदेव एक मिनिटात आलो म्हणून गेला तो कायमचाच. जंगलामध्ये त्याचा मृतदेह आढळल्याने खळबळ उडाली आहे.
दृष्यंत व आशाचा प्रेमविवाह झाला. विवाह झाल्यानंतर मोटारीमधून ते घरी निघाले होते. मोटारीमध्ये दोघांसह चालक व अन्य नातेवाईक होते. प्रवासादरम्यान एका हॉटेलवर ते नाष्टा करण्यासाठी थांबले होते. आनंदामध्ये सर्वजण रमले होते. सर्वांनी नाष्टा केला. यावेळी दृष्यंत एक मिनिटात आलो म्हणून बाजूला गेला. पण, बराच वेळ वाट पाहूनही तो परतला नाही. अखेर, सर्वांनी त्याचा शोध सूरू केला. पण, उशिरापर्यंत तो सापडला नाही. अखेर पोलिसांकडे तक्रार करून सर्वजण माघारी फिरले.
पोलिसांनी तपास सुरू केल्यानंतर दुसऱया दिवशी दृष्यंतचा मृतदेह झाडाला लटकावलेल्या स्थितीत आढळून आला. घटनास्थळी दारूच्या बाटल्या व ग्लास आढळून आले आहेत. दृष्यंतचा मृतदेह शवविच्छेदनासाठी रुग्णालयात पाठविण्यात आला असून, पोलिस पुढील तपास करत आहेत.
कुटुंबियांनी दृष्यंतच्या खुनाची शक्यता वर्तविली आहे. प्रेमविवाह झाल्यामुळे तो प्रचंड खूष होता. त्यामुळे तो आत्महत्या करण्याची शक्यता नसल्याचे कुटुंबियांनी म्हटले आहे. घटनास्थळावरून दारूच्या बाटल्या व ग्लास ताब्यात घेण्यात आले असून, तपासासाठी ते प्रयोगशाळेत पाठविण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.