हैदराबाद: शेतकरी शेतामध्ये नांगरणी करत असताना नांगर अडकला. शेतकऱयाने पुन्हा जोर लावला पण पुन्हा अडकला. यानंतर शेतकऱयाने खोदकाम केल्यानंतर मौल्यवान खजीना सापडला. शेतकऱयाने तत्काळ प्रशासनाला याबाबतची माहिती दिली. याकूब अली असे शेतकऱयाचे नाव.
सांगारेड्डी जिल्ह्यातील जहिराबाद येथील येर्रागद्दापल्ली गावात ही घटना घडली. याकूब अली यांना नांगरणी करताना जमिनीतून सोने, मौल्यवान रत्न यासह अन्य दुर्मिळ दागिने, चांदीच्या माळा आणि तांब्याच्या वस्तू सापडल्या आहेत. परिसरातील नागरिकांनी खजीना पाहण्यासाठी गर्दी केली होती.
याकूब अली यांनी सांगितले की, 'खरिपाच्या हंगामासाठी शेतात नांगरणी सुरू होती. यावेळी नांगराचे फाळके अडकले. पुन्हा जोर लावला, मात्र नांगर पुन्हा अडकला. त्या जागी थोडे खोदकाम करून पाहिले असता धक्काच बसला. सुरुवातीला तिथे तीन कांस्य धातूचे तीन भांडे मिळाले. यात सोने, चांदीचे दागिने आणि मौल्यवान रत्न होते. तसेच काही तांब्याच्या अँटिक वस्तूही आढळल्या. पण, कशाचाही मोह न धरता याबाबतची माहिती पोलिसांना दिली. काही वेळातच घटनास्थळी स्थानिक पोलिस आणि अधिकारी दाखल झाले.'
दरम्या, याठिकाणी अधिक खोदकाम केले असता सोन्याची 25 नाणी, गळ्यातील अलंकार, अंगठ्या आणि पारंपरिक भांडी मिळाली आहेत. हा सर्व खजीना पुरातत्व विभागाने ताब्यात घेतला आहे. याची तपासणी करून हे नक्की कोणत्या काळातील आहेत याचा शोध घेतला जाईल. जहिराबाद महाराष्ट्रमधील संभाजीनगर जिल्ह्याकडे जाणाऱ्या रस्त्यावर आहे. संभाजीनगर निजामाची पहिली राजधानी होती. या भागात अनेक धनाढ्य लोक राहात होते. कोहिनूर हिरा हा गोलकुंडाच्या खाणीत सापडला होता. त्यामुळे शेतकऱ्याच्या शेतात सापडलेला खजीना देखील याच काळातला असावा, अशी शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.