राजस्थान : कोरोनामुळे सर्वच क्षेत्रावर मोठ्या प्रमाणावर परीणाम पडला. यात विज विभागाला सुध्दा मोठ्या नुकसानीचा सामना करावा लागला. मात्र काही ठिकाणी विज विभागाचा गलथान कारभारसुध्दा दिसून आला. अशीच एक घटना राजस्ठान येथील भीलवाडा जिल्ह्यामध्ये पाहायला मिळाली. इथल्या एका गरीब कुटुंबाला तब्बल ८२ हजार २५८ रुपयांचे बिल आले आहे. हे कुटुंब एका छोट्याश्या झोपडीत राहतात. कोरोना काळात अनेकांना भरमसाठ विजेचे बिल आल्याच्या अनेक घटना समोर आल्या. मात्र झोपडीत राहणाऱ्या एका गरीब कुटुंबावर एवढे मोठे बिल आल्याने सर्वांना मोठा धक्का बसलाय.

या कुटुंबाने एक वर्षाआधीच मीटर बदलण्याची मागणी केली होती. मागील महिन्यातसुध्दा या कुटुंबाला सात हजार रूपये बिल आले होते तर या महिन्यात चक्क जवळपास ८२ हजार बिल आल्याने विज विभागावर प्रश्न चिन्ह उपस्थित केले जात आहे. अजमेरच्या या विज विभागाने भिलवाडा जिल्ह्यातील गांगलास गावात राहणाऱ्या लाला रेगर नावाच्या गरीबावर ८२ हजाराचे बिल पाठविल्याने या गावातील ग्रामस्थानासुध्दा आश्चर्य वाटत आहे.

मीटर खराब झाल्याने हे बिल आल्याचे लाला रेगर यांचा मुलगा रतन रेगर यांचे म्हणणे आहे. मागील वर्षी सुध्दा असेच जास्त बिल आले होते. मीटर बदलण्याकरीता अर्ज सुध्दा केला होता. मात्र अद्याप कोणी मीटर बदलायला आले नाही तर हे हजारो रूपयांचे बिल कमी करण्यासाठी विज विभागाच्या कार्यालयाच्या आपण फेऱ्या मारत असल्याचे सुध्दा रतन रेगर यांनी सांगितले