Fasting Snacks Recipe : नवरात्रीचे नऊ दिवस अनेक लोक उपवास करत असतात. काही लोक एकवेळ जेवतात. काही न दिवसांचा उपवास करतात तर काही लोक कांदा, लसूण, आले, लिंबू आणि टोमॅटोपासून बनवलेले अन्न पूर्णपणे सोडून देतात.

या काळात उपवास करणारे लोक स्वतःसाठी काही फराळाचे पदार्थ तयार करू शकतात. या हेल्दी आणि टेस्टी रेसिपी खूप लवकर तयार होतात. जाणून घ्या रेसिपी.

१) स्ट्रॉबेरी नारळाचे लाडू

नवरात्रीच्या उपवासात खूप भूक लागते. अशा परिस्थितीत तुम्ही काही स्नॅक्स बनवून तयार करू शकता.

साहित्य

• ५ टेबलस्पून स्ट्रॉबेरी फ्लेवर्ड सिरप

• १ टेबलस्पून तूप

• १ नारळ (ताजे किसलेले)

• ३ टेबलस्पून पाणी

• ४ टेबलस्पून सुके खोबरे (कोटिंगसाठी)

कृती

हे बनवण्यासाठी कढईत तूप गरम करा. ताजे किसलेले खोबरे घाला. नंतर स्ट्रॉबेरी फ्लेवर्ड सिरप आणि पाणी घाला. आता कडा सोडेपर्यंत शिजवा. थंड झाल्यावर लाडू बनवा आणि कोरड्या खोबऱ्याने कोट करा.

२) मँगो आईस्क्रीम

हे बनवायला खूप कमी वेळ लागेल आणि त्याची चवही खायला खूप छान लागेल.

साहित्य

• १ कप नारळाचे दूध

• १ कप आंब्याचे चौकोनी तुकडे (सेमी फ्रोजन)

• किंवा मँगो पल्प वापरावा

• १ चमचा मध

कृती

मिक्सरमध्ये दूध आणि आंब्याचे चौकोनी तुकडे किंवा मँगो पल्प गुळगुळीत होईपर्यंत फिरवा. आता ते फ्रीझर फ्रेंडली बाऊलमध्ये घ्या आणि मिश्रण फ्रीज करा. एकदा ते पूर्णपणे सेट झाले की, हे मिश्रण मिक्स करा आणि ही प्रक्रिया ३ वेळा पुन्हा करा. सॉसरमध्ये घाला आणि क्रीम रात्रभर फ्रीज करा. दुसऱ्या दिवशी त्याचा आनंद घ्या.