Vada Pav Pops Recipe : वडापाव हा महाराष्ट्रातील प्रसिद्ध पदार्थांपैकी एक आहे. मात्र, आता वडापाव देशाच्याच नव्हे तर जगाच्या कानाकोपऱ्यात मिळतो. स्ट्रीट फूड खाण्याची आवड असणारे लोक अनेकदा वडापावची चव चाखतात. पण तुम्ही कधी वडापाव पॉप्सची टेस्ट केले आहे का?. तुम्हाला हवं असेल तर तुम्ही सोप्या व्हिडिओ रेसिपी पाहून वडापाव पॉप्सची अप्रतिम चव ट्राय करू शकता.

वडापाव एकदम चवदार आणि तो बनवायला ही फारसा वेळ लागत नाही.त्यामुळे ब्रेकफास्टसाठी इन्स्टंट स्नॅक्स बनवायचा असेल तर. त्यामुळे वडापाव पॉप्स ट्राय करणे हा तुमच्यासाठी उत्तम पर्याय ठरू शकतो. चला तर मग जाणून घेऊया वडापाव पॉप्स बनवण्याची रेसिपी. वडापाव पॉप्सची ही रेसिपी इन्स्टाग्राम युजरने (@agarnishbowl) आपल्या अकाऊंटवर शेअर केली आहे.(Food)

साहित्य ४ वाट्या ब्रेड, २ चीज स्लाइस, ३ उकडलेले बटाटे, २ बारीक चिरलेल्या हिरव्या मिरच्या, १/४ चमचा हळद, १ चिमूट हिंग, १/४ चमचा मोहरी, १/२ इंच बारीक चिरलेले आले, १/२ कप बेसन, २ बारीक चिरलेल्या लसूण पाकळ्या, १ चिमूट बेकिंग सोडा, डीप फ्राय करण्यासाठी तेल, ३-४ कढीपत्ता, १ चमचा लिंबाचा रस आणि चवीनुसार मीठ घ्या. चला तर मग जाणून घेऊया वडापाव पॉप्स कसे बनवायचे.

वडापाव पॉप्स बनवण्यासाठी

आधी बटाटे सोलून मॅश करा. आता हिरवी मिरची, आलं आणि लसूण बारीक करून घ्या. त्यानंतर कढईत २ चमचे तेल गरम करावे.

आता त्यात मोहरी घालून परतून घ्या. मोहरी फोडल्यानंतर कढईत हिंग, कढीपत्ता, हळद आणि आले लसूण पेस्ट घाला. गॅसवर १ मिनिट शिजवून घ्या.

नंतर हे मिश्रण बटाट्यात घालून मिक्स करा. नंतर बटाट्यात हिरवी कोथिंबीर, लिंबाचा रस आणि मीठ घाला. त्यानंतर एका बाऊलमध्ये बेसन घ्यावे. आता त्यात मीठ, बेकिंग सोडा आणि पाणी घालून मिश्रण तयार करावे. ब्रेडचे स्लाइस सर्व बाजूंनी कापून त्याच्या कडा वेगळ्या करा.

ब्रेडच्या स्लाइसवर हिरवी चटणी लावा. ब्रेडच्या दुसऱ्या तुकड्यावर लाल लसणाची चटणी लावा. आता चीजस्लाइस आणि काठी ठेवून दोन्ही ब्रेड स्लाइस बंद करा.

यानंतर बटाट्याचे मिश्रण ब्रेड स्लाइसभोवती लावून झाकून ठेवावे. आता बेसनाच्या द्रावणात घालून कढईत डीप फ्राय करा.

आता तुमचा वडापाव पॉप्स तयार आहे. त्याला सजवण्यासाठी तुम्ही मेयोनीज, टोमॅटो केचप आणि हिरव्या चटणीपासून डिझाइन बनवू शकता.