रावेर : तालुक्यात आज १६ लोकनियुक्त सरपंच व ९९ ग्रामपंचायत सदस्यांची निवडणूक उत्साहात पार पडली. निवडणुकीत ७७.५८ टक्के मतदान झाले. जानोरी ग्रामपंचायतीसाठी सर्वाधिक मतदान झाले.
आज सकाळपासून ग्रामपंचायतींसाठी ६७ केंद्रांवर मतदानाला सुरवात झाली. खिरोदा (ता. रावेर) येथील मतदान केंद्रावर आमदार शिरीष चौधरी यांनी मतदानाचा हक्क बजावला. ग्रामीण भागात शेतकरी मतदार असल्याने दुपारी दोननंतर मनदान केंद्रांवर मतदारांच्या रांगा लागल्याचे चित्र दिसून आले. (77.58 percent polling in Raver taluka Jalgaon News)
हेही वाचा : ज्ञानेश्वरीत आहेत HR निगडित व्यवस्थापन सूत्रे...
खिरोदा येथे सायंकाळी चारनंतर लांबच लांब रांगा लागल्या होत्या. खिरोदासह खिरवड, वाघोदा बुद्रूक व थोरगव्हाण या मोठ्या ग्रामपंचायतींसह १८ ग्रामपंचायतीसाठी सर्वत्र मतदारांच्या रांगा लागल्या होत्या. तालुक्यात सर्वत्र शांततेत व उत्साहात मतदान पार पडले. सकाळी साडेनऊपर्यंत ५ हजार १० मतदारांनी मतदान केल्याने १४.५९ टक्के मतदान झाले.
त्यानंतर मतदानाची टक्केवारी वाढत गेली. साडेअकरापर्यंत ३३.६० टक्के, दुपारी दीडपर्यंत ५१.६१ टक्के, दुपारी साडेतीनपर्यंत ६७.५७ टक्के मतदान झाले. मतदानाची प्रक्रिया संपेपर्यंत १८ हजार ९६६ पैकी १२ हजार ६७४ पुरुषांनी तर १७ हजार ३९२ पैकी १३ हजार ९७१ महिलांनी असे एकूण ३६ हजार ३५८ पैकी २६ हजार ६४५ मतदान केल्याने एकूण ७७.५८ टक्के मतदान झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.