भारत आणि दक्षिण आफ्रिका (South Africa vs India) यांच्यातील दुसऱ्या कसोटीत विराट कोहलीच्या अनुपस्थितीत के.एल. राहुल (KL Rahul) भारतीय संघाचे नेतृत्व करत आहे. या कसोटीच्या दुसऱ्या दिवशी भारताने आफ्रिकेचा पहिला डाव २२९ धावात संपवला. जरी दक्षिण आफ्रिकेकडे २७ धावांची आघाडी असली तरी भारताने या कसोटीवर (Test Cricket) आपली पकड ठेवण्यात यश मिळवले आहे. दरम्यान, पहिल्यांदाच भारतीय संघाचे नेतृत्व करणाऱ्या केएल राहुलसाठी हा सामना आव्हानात्मक ठरला. विराट कोहलीची (Virat Kohli) अनुपस्थितीत मधल्या फळीचे टेन्शन होते. त्यातच मोहम्मद सिराजला दुखापत झाल्यामुळे भारताला मोक्याच्या वेळी एक गोलंदाज शॉर्ट पडला. (Dinesh Karthik Statement About KL Rahul Captaincy)

अशा सर्व विपरीत परिस्थितीत केएल राहुलच्या नेतृत्वाचा कस लागणार होता. याबाबत भारताचा माजी विकेटकिपर दिनेश कार्तिकने (Dinesh Karthik) समालोचन करताना आपले मत व्यक्त केले. दिनेश कार्तिक म्हणाला, 'मला वाटते त्याने चांगले नेतृत्व केले. त्याच्यासमोर काही अडचणी उभ्या राहिल्या होत्या. सिराज दुखापतग्रस्त झाला होता. तुमचा एक गोलंदाज गोलंदाजी करु शकत नाही त्यावेळी एक कर्णधार म्हणून तुमचे काम सोपे नसते. दुसऱ्या दिवसाच्या पहिल्या सत्रानंतर राहुलवर डोके खाजवण्याची वेळ आली होती. पण, गोलंदाजांनी छान गोलंदाजी केली. ज्यावेळी तुम्हाला विकेट मिळत नाहीत त्यावेळी कर्णधार अजून मी आता काय करु अशी स्थिती निर्माण होते. तुम्ही काही वेगळे करता येते का याचा विचार करण्याचा प्रयत्न करतात. मला असे वाटते की के.एल. राहुलने (KL Rahul Captaincy) याचे दडपण घेतले नाही. त्याचे फळ त्याला नंतरच्या सत्रात फायदाच झाला.'

याचबरोबर दिनेश कार्तिकने (Dinesh Karthik) केएल राहुलने गोलंदाजीत केलेल्या बदलांचेही कौतुक केले. तो म्हणाला, 'त्याने परिस्थिती योग्य प्रकारे हाताळली. सहाजिकच आहे तो फलंदाजीत चांगल्या फॉर्ममध्ये आहे याचा त्याला फायदाच झाला. त्याने जे बदल केले. त्याची यामगची रणनिती योग्य होती. तो कायम शांत कर्णधार वाटतो. तो स्वभावाने भावनिक आहे. मात्र त्याच्या भावना मैदानावर दिसून येत नाहीत.'