मुंबई : लोणच्याला भारतीय जेवणात छोटेसेच पण मानाचे स्थान आहे. देशाच्या विविध भागांत घराघरांत वेगवेगळ्या प्रकारची लोणची तयार केली जातात. अशीच एक पाककृती आपण आज पाहाणार आहोत. ही आहे टॉमेटोच्या लोणच्याची पाककृती.
आवश्यक जिन्नस
२ टॉमेटो, मिरचीची भुकटी, कच्चे शेंगदाणे, जिरे, मीठ, लसूण, राईचे दाणे, मेथीचे दाणे, साखर
पाककृती
कढईमध्ये मेथीचे दाणे भाजून घ्या. त्यात राई घालून मिक्सरमध्ये त्याची भुकटी करून घ्या. एका पॅनमध्ये तेल गरम करून त्यात टॉमेटो शिजवून घ्या. त्यात थोडी साखर घाला आणि ती विरघळेपर्यंत मिश्रण शिजवा. त्यात मीठ घाला. त्यानंतर या मिश्रणात राई आणि मेथीचे मिश्रण घाला. वरून लाल मिरचीची भुकटी घाला.
अशाप्रकारे टोमॅटोचे लोणचे तयार आहे. आता हे लोणचे हवाबंद डब्यात जपून ठेवा. आपल्याकडे आंबा, मिरची, आवळा, इत्यादींचे लोणचे तयार करण्याची पद्धत आहे. काही वेळा हे सर्व पदार्थ एकत्र करूनही लोणचे तयार केले जाते. टॉमेटोचे लोणचे मात्र फारसे प्रचलित नाही.
नेहमीची विविध प्रकारची लोणची आता नवीन राहिलेली नाहीत. भारतीय वैविध्यपूर्ण चवींचा आस्वाद घ्यायला आवडतो. त्यामुळे लोणच्यामध्येही वैविध्य असणे आवश्यक असते. आज आपण पाहिलेली टोमॅटोची पाककृती एकदा तरी करून पाहायलाच हवी. या लोणच्यामुळे दैनंदिन जेवणाला वेगळा स्वाद येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.