सध्या भाजपाचे (BJP MLA) आमदार नितेश राणे यांची न्यायायलयीन चौकशीचे प्रकरण चांगलेच तापले आहे. मागील काही दिवसांपासून नितेश राणे न्यायालयांच्या फेऱ्यांत अडकले आहेत. सिंधुदुर्ग जिल्हा बॅंकेदरम्यान शिवसैनिक संतोष परब हल्ला प्रकरणात त्यांची चौकशी सुरु असून याप्रकरणी राणे बुधवारी न्यायालयासमोर शरण आले. सिंधुदुर्ग जिल्हा न्यायालयाने (Sidhudurg District court) नितेश राणे यांना 4 फेब्रुवारीपर्यंत पोलिस कोठडी सुनावली आहे. दरम्यान या सर्व घटना घडत असताना आता नितेश राणे (Nitesh Rane) यांचा एक फोटो सोशल मिडियावर व्हायरल झाले आहे. या फोटोवर नेटकऱ्यांच्या उलट-सुलट प्रतिक्रिया येत आहेत.

हा फोटो आहे नितेश राणे यांचा तुरुंगात बसून पुस्तक वाचण्यात दंग असल्याचा. या फोटोमध्ये तुरुंगातील कोठडीचे लोखंडी गज आणि त्यापलीकडे पुस्तक वाचत बसलेले नितेश राणे (Nitesh Rane) स्पष्टपणे दिसत आहेत. महिन्याभराच्या अज्ञातवासानंतर काल पोलिस कोठडी (Police Custody) सुनावलेलं नितेश राणे हे निवांतपणे पुस्तक वाचत असल्याचा फोटो पाहून अनेकांनी भुवया उंचावल्या, पण काही तासातच या फोटो खरा की खोटा यामागील खुलासा झाला आहे. (Nitesh Rane Viral Photos from Jail)

नितेश राणे यांचा व्हायरल झालेला फोटो बुधवारचा नसून पाच वर्षापूर्वीचा आहे. वाळूच्या प्रश्नावरुन पाच वर्षांपूर्वी नितेश राणे यांनी जिल्हाधिकारी कार्यालयात आंदोलन करुन राडा केला होता. त्यावेळी नितश राणे यांना अटक झाली होती. तेव्हाचे नितेश राणेंचे हे छायाचित्र आहे. संतोष परब हल्लाप्रकरणात नितेश राणे हे सध्या दोन दिवस पोलिस कोठडीत आहेत. नितेश राणे यांनी बुधवारी संध्याकाळी कणकवली (Kankvali) दिवाणी न्यायालयासमोर शरणागती पत्कारली होती.

यानंतर न्यायालयात राणेंच्या पोलिस कोठडीसाठी युक्तिवाद झाला. न्यायालयाने नितेश राणे यांना केवळ दोन दिवसांची पोलिस कोठडी सुनावली आहे. दरम्यान, 'न्यायालयाच्या आदेशाचा आदर ठेवून शरण जात आहे. आतापर्यंत राज्य सरकारने वेगवेगळ्या पद्धतीने बेकायदेशीरपणे अटक करण्याचा प्रयत्न केला. मी स्वतः न्यायालयाचा आदर ठेवून कणकवली न्यायालयात हजर होत आहे,' असं आमदार नितेश राणे यांनी सांगितलं आहे.