पुणे : स्वर्गीय गोपीनाथरावजी मुंडे साहेब यांना विसरलेला भाजपा, त्यांनी महायुतीला तरी कशी जिवंत ठेवणार?, असा प्रश्न करित राष्ट्रवादी काँग्रेस पक्षाच्या नेत्या रुपाली पाटील ठोंबरे (Rupali Patil Thombare) यांनी भाजपवर टीका केली आहे. त्या आपल्या ट्विटमध्ये पुढे म्हणतात, की शरद पवार साहेबांच्या (Sharad Pawar) मुळे शिवसेनेने (Shiv Sena) यांना योग्य वेळी जागा दाखवली. सावधना ! कमळाच्या चिन्हावर लढणारी राष्ट्रीय समाज पक्ष, शिवसंग्राम संघटना आणि भारतीय रिपब्लिकन पक्ष (आठवले गट) हे शेवटचा घटका मोजत आहेत, अशी टीका रुपाली पाटील ठोंबरे यांनी केली आहे. (Rupali Patil Thombare Said, BJP Forget Gopinath Munde)

महाविकास आघाडी सरकारला दोन वर्ष पूर्ण झाली आहेत. मात्र भाजपकडून नेहमी शिवसेनेवर महायुती तोडल्याचा आरोप केला जात आहे. गृहमंत्री तथा सहकार मंत्री अमित शहा यांनी शिवसेनेला खुले आव्हान दिले होते. ते म्हणाले शिवसेनेने सत्तेच्या बाहेर पडून निवडणूक लढवावी. काही दिवसांपूर्वीच रुपाली पाटील ठोंबरे यांनी महाराष्ट्र नवनिर्माण सेनेला जय महाराष्ट्र केले. त्यांनी उपमुख्यमंत्री अजित पवार (Ajit Pawar) यांच्या उपस्थितीत राष्ट्रवादीत प्रवेश केला आहे.