हॉलीवूडचा(Hollywood) प्रसिद्ध अभिनेता जॉनी डेपवर(Johny Depp) पूर्वाश्रमीची पत्नी अंबर हर्डनं(Ambar Heard) खळबळजनक आरोप केल्यानं सगळेच शॉक झाले आहेत. अंबर हर्डनं जॉनी डेपवर जबरदस्ती 'ओरल सेक्स' केल्याचा आरोप केला आहे. कोर्टात सुनावणीच्या दरम्यान अंबर हर्डकडून साक्षीदार म्हणून उभे राहिलेल्या सायकॉलॉजिस्ट डॉ.डॉन व्ह्यूनं हा दावा केला आहे की जॉनी डेपनं ज्या पद्धतीनं अंबरवर मानसिक-शारिरीक अत्याचार केले त्यामुळे तिची अवस्था खूप वाईट झाली होती.

त्या सायकॉलॉजिस्टनं दावा केलाय की,जॉनी डेप जबरदस्ती ओरल सेक्स करायचा. अगदी एकदा तर त्यानं अंबरच्या गुप्तांगात जबरदस्ती दारूची बाटली घातली होती. तुमच्या माहितीसाठी इथं नमूद करतो की याआधी जॉनी डेप कडून साक्षीदार म्हणून उभ्या केलेल्या सायकॉलॉजिस्टनं अंबर हर्डचे आरोप खोटे आहेत असं म्हटलं आहे. तसंच अंबर हर्ड पोस्ट ट्रॉमेटिक स्ट्रेस डिसऑर्डरशी झुंजत असल्याचा खोटा दावा करीत आहे असंही जॉनी डेपच्या साक्षीदारानं म्हटलं होतं.

अंबर हर्डनं कोर्टात साक्षीदार म्हणून उभ्या केलेल्या सायकॉलॉजिस्ट डॉ.डॉन हयूने जे दावे केले त्याचं समर्थन करताना अनेक गोष्टींचे दाखले दिले. दारुच्या नशेत जॉनी डेप अंबरला खूप वाईट वागणूक द्यायचा. कितीतरी वेळा जॉनी डेपनं यासाठी अंबरची माफी देखील मागितली होती. डॉ.डॉन ह्यूने सांगितलं की दोघांच्या भांडणात कधीतरी अंबरनंही जॉ़नीला धक्के दिले आहेत. तसंच खूप वाईटही बोलली होती. पण तोंडानं बोलणं,भांडणं आणि मारणं,शारिरीक अत्याचार करणं यात मोठा फरक आहे जे डेपनं अंबरसोबत केलं आहे.

डॉ.डॉन ह्यूनं कोर्टात हे देखील सांगितलं की जॉनी डेपच्या वाईट वर्तणुकीमागे तो अंबरवर जळत होता हे मुख्य कारण आहे. अंबर हर्डला सिनेमात न्यूड सीन्स करायला त्याची मनाई होती. अंबर कुठल्या सिनेमात काम करत असेल तर डेप त्या सिनेमाच्या क्रु मेंबरला किंवा दिग्दर्शकाला तिच्यावर नजर ठेवण्यास सांगायचा. डेपनं अंबर हर्डवर अभिनेता बिली बॉब थॉर्टंन आणि जेम्स फैंकोसोबत अफेअर असल्याचा आरोपही केला होता.